დიეგო სიმეონე

დიეგო სიმეონე

პირადი მონაცემები
სრული სახელი	დიეგო პაბლო სიმეონე
დაბადების თარიღი	28 აპრილი, 1970 (1970-04-28)
დაბადების ადგილი	ბუენოს-აირესი არგენტინა
სიმაღლე	181 სმ.
სათამაშო პოზიცია	საყრდენი ნახევარმცველი
საკლუბო ინფორმაცია
მიმდინარე კლუბი	ატლეტიკო მადრიდი (მთავარი მწვრთნელი)
პროფესიონალური კარიერა*
წლები	გუნდი	მატჩი	(გოლი)
1987–1990	ველეს სარსფილდი	76	(14)
1990–1992	პიზა	55	(6)
1992–1994	სევილია	64	(12)
1994–1997	ატლეტიკო მადრიდი	98	(21)
1997–1999	ინტერი მილანი	57	(11)
1999–2003	ლაციო	90	(15)
2003–2005	ატლეტიკო მადრიდი	36	(2)
2005–2006	რასინგ კლუბი	37	(3)
სულ		513	(84)
ეროვნული ნაკრები
1989	არგენტინა 20 წლ.	4	(1)
1996	არგენტინა 23 წლ.	6	(1)
1988–2002	არგენტინა	106	(11)
სამწვრთნელო კარიერა
2006	რასინგ კლუბი
2006–2007	ესტუდიანტესი
2008	რივერ პლეიტი
2009–2010	სან ლორენსო
2011	კატანია
2011	რასინგ კლუბი
2011–	ატლეტიკო მადრიდი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

დიეგო პაბლო სიმეონე გონსალესი (ესპ. Diego Pablo Simeone González დ. 28 აპრილი, 1970, ბუენოს-აირესი, არგენტინა) — არგენტინელი ფეხბურთელი და მწვრთნელი. თამაშობდა ნახევარმცველის პოზიციაზე. ფეხბურთის გულშემატკივრებში უფრო ცნობილია როგორც ელ ჩოლო. 1994, 1998 და 2002 წლების მსოფლიო ჩემპიონატების მონაწილე არგენტინის ეროვნული საფეხბურთო ნაკრების შემადგენლობაში. ამჟამად არის ესპანეთის პრიმერა დივიზიონის კლუბ „ატლეტიკო მადრიდის“ მთავარი მწვრთნელი.

კარიერა

სიმეონემ აქტიური საფეხბურთო კარიერა სამშობლოში დაიწყო „ველეს სარსფილდის“ რიგებში, საიდანაც ევროპაში გადაბარგდა, სადაც 15 წლის განმავლობაში იტალიის და ესპანეთის რიგი საფეხბურთო კლუბების ვინაობას იცავდა: „პიზა“, სევილია, ატლეტიკო მადრიდი, ინტერნაციონალე და „ლაციო“. კარიერის მიწურულს კვლავ სამშობლოში, „რასინგ კლუბში“ დაბრუნდა და მცირე ხანი იბურთავა, შემდეგ კი გასაწვრთნელად ჩაიბარა კლუბი.

რასინგში მშვენიერი მუშაობის შემდეგ სიმეონემ „ესტუნდიანტესი“ ჩაიბარა და 2006 წელს მოკრძალებულ გუნდს ჩემპიონობა მოაპოვებინა 1983 წლის შემდეგ პირველად და ისტორიაში მეოთხედ. ამ დიდი წარმატების შემდეგ სიმეონეს არგენტინული ფეხბურთის უპირველესი ფლაგმანი რივერ პლეიტი ჩააბარეს, რომელიც ჩემპიონობას იყო მოწყურებული. სიმეონემ პირველივე სეზონში ბრწყინვალე სტილში მოიპოვა ჩემპიონობა, რასაც კატასტროფული მეორე სეზონი მოჰყვა სადაც რივერმა 107 წლიანი ისტორიის მანძილზე პირველად ბოლო ადგილი დაიკავა ლიგაში, რასაც სიმეონეს სწრაფად განთავისუფლება მოჰყვა. რივერ პლეიტის შემდეგ სიმეონემ „სან ლორენსო“ ჩაიბარა, საიდანაც ასევე დაითხოვეს არადამაკმაყოფილებელი შედეგების გამო, შემდეგ იყო იტალიური „კატანია“, საიდანაც სწრაფადვე წამოვიდა, ისევ რასინგი მცირე ხნით და შემდეგ მოწვევა ესპანური ატლეტიკოდან, სადაც კარიერის უმეტესი და საუკეთესო ხანი გაატარა და გულშმატკივართა კერპად ითვლებოდა.

2011 წლის 23 დეკემბერს სიმეონემ ატლეტიკო მადრიდი ჩაიბარა, რითაც დაიწყო ფეხბურთის ისტორიაში ერთ-ერთი ყველაზე წარმატებული თანამშრომლობა. სიმეონემ მოკლე დროში საშუალოზე ოდნავ მაღალი მიზნებისთვის მებრძოლი გუნდი, არათუ ისტორიულ სიმაღლეებს დაუბრუნა, უფრო მეტიც, იგი სავსებით თანაბარ კონკურენტად ჩამოყალიბდა მსოფლიო ფეხბურთის ისტორიაში ერთ-ერთ ყველაზე ძლიერ კოლექტივებად მიჩნეული „ბარსელონასა“ და რეალ მადრიდისთვის. სიმეონემ და ატლეტიკომ პირველივე სეზონში მოახერხეს ქვეყნის თასის მოპოვება, თუმცა განსაკუთრებული იყო 2012-13 წლების სეზონი, სადაც ატლეტიკომ ესპანეთის ჩემპიონის ტიტული მოიპოვა, უეფა-ს ჩემპიონთა ლიგიდან კი უძლიერესი ბარსელონა გამოთიშა და ფინალს უწია, სადაც მოსისხლე რეალ მადრიდთან დამატებით დროში დამარცხდა. სიმეონემ და კომპანიამ ჩემპიონთა ლიგის ფინალს 2015-16 წლების სეზონშიც უწიეს, გზად კვლავ ჩამოიცილეს ბარსას ვარსკვლავთკრებული და პეპ გუარდიოლას გაწვრთნილი ბაიერნი, თუმცა ფინალში ბედის ირონიით კვლავ მოსისხლე რეალს შეხვდნენ და ისევ დამარცხდნენ, ამჯერად პენალტების სერიაში.

ტიტულები

მწვრთნელობისას

ატლეტიკო:(8)

• ლა ლიგა (2): 2013–14, 2020–21
• ესპანეთის თასი (1): 2012–13
• ესპანეთის სუპერთასი (1): 2014
• უეფა-ს ევროპის ლიგა (2): 2011–12, 2017–18
• უეფა-ს სუპერთასი (2): 2012, 2018
• უეფა-ს ჩემპიონთა ლიგის ფინალისტი: 2013–14, 2015–16

რესურსები ინტერნეტში

• ვიკისაწყობში არის გვერდი თემაზე: დიეგო სიმეონე
• დიეგო სიმეონე — ფიფას ჩანაწერი^{[დაარქივებული]}
• BDFutbol