ბოქს-სეტში შეტანილი ყველა ჩანაწერი წარმოდგენილია 180 გრამიან გრამფირფიტებზე. Yellow Hedgerow Dreamscape და On the Sunday of Life... შეიცავენ იგივე რემასტერებს, რაც შეტანილია შესაბამისი ალბომების უკანასკნელ CD გამოცემებში - ყველა ჩანაწერი აღდგენილია ორიგინალური ანალოგური ფირებიდან. სხვა ჩანაწერები სპეციალურად მომზადდა რემასტერების სახით ამ ბოქს-სეტისთვის. Voyage 34-ში შეტანილია „Phase IV“-ის სრული ვერსია, მანამდე გამოცემული მხოლოდ 12" დუიმიან სინგლზე.
გამოცემას ახლავს წიგნი, რომელშიც შეტანილია შესაბამისი პერიოდის დოკუმენტური მასალა - სხვადასხვა ჩანაწერი და ფოტოსურათი, ბიოგრაფიული ანოტაციები და ვრცელი ინტერვიუ ჯგუფის ლიდერ სტივენ უილსონთან. წიგნის დიზაინი შეიმუშავეს ლასე ჰოილემ და კარლ გლოვერმა.
