ნახიდური

ნახიდური
სოფელი
	ნახიდური;
ქვეყანა	საქართველო
მხარე	ქვემო ქართლი
მუნიციპალიტეტი	ბოლნისის მუნიციპალიტეტი
თემი	ნახიდური
კოორდინატები	41°28′11″ ჩ. გ. 44°41′43″ ა. გ. / 41.46972° ჩ. გ. 44.69528° ა. გ.
ადრეული სახელები	არუხლო
ცენტრის სიმაღლე	420 მ
მოსახლეობა	3686 კაცი (2014)
ეროვნული შემადგენლობა	აზერბაიჯანელები 99,8 %
სასაათო სარტყელი	UTC+4
სატელეფონო კოდი	+995

ნახიდური^[2] (ყოფ. არახლო^[3]^[4]) — სოფელი საქართველოში, ქვემო ქართლის მხარის ბოლნისის მუნიციპალიტეტში. ნახიდურის თემის შემადგენლობაში.^[1] მდებარეობს მდინარე ხრამის მარჯვენა ნაპირზე. ზღვის დონიდან 420 მეტრ სიმაღლეზე. ქალაქ ბოლნისიდან დაშორებულია 15 კილომეტრით. 2014 წლის აღწერის მონაცემებით სოფელ ნახიდურის მოსახლეობა შეადგენს 3686 ადამიანს.

სოფელში შემორჩენილია XVII-XVIII საუკუნეების გუმბათიანი „ყვითელი ეკლესია“, IX–X საუკუნეების ეკლესია, ციკლოპური ციხე. ნახიდურის მიდამოებშია აგრეთვე IX–X საუკუნეების ეკლესია.

ისტორია[რედაქტირება | წყაროს რედაქტირება]

1118 წლის 7 აპრილს, ბზობა დღეს დავით აღმაშენებელი ნახიდურს მივიდა და ზატიკი გადაიხადა. დავითს აქ შეატყობინეს ჯავახეთში ბეშქენ II ჯაყელის შემოსეულ თურქ-სელჩუკებთან ბრძოლაში დაღუპვის შესახებ. დავითის თანხმლებ დიდებულებს სომხეთში ლაშქრობისას ზურგიდან სელჩუკების თავდასხმის ეშინოდათ და ლაშქრობის გადადებას სთხოვდნენ, მიუხედავად მათი წინააღმდეგობისა დავითმა მაინც ილაშქრა და თავს დაესხა არაქსის პირას მყოფ სელჩუკებს, მალევე კი ლორეს ციხე-ქალაქი აიღო და საქართველოს შემოუერთა.^[5]