კიტვე

ქალაქი
კიტვე ინგლ. Kitwe
ქვეყანა	ზამბია
პროვინცია	კოპერბელტის პროვინციაკოპერბელტის პროვინცია
კოორდინატები	12°49′00″ ს. გ. 28°12′00″ ა. გ.
დაარსდა	1936
ამჟამინდელი სტატუსი	1966
ცენტრის სიმაღლე	1212 მ
მოსახლეობა	504 194 კაცი (2010)
სასაათო სარტყელი	UTC+2
სატელეფონო კოდი	+260 62
ოფიციალური საიტი	http://www.kcc.gov.zm/
კიტვე ვიკისაწყობში

კიტვე (ინგლ. Kitwe) — ქალაქი ზამბიის ცენტრალურ ნაწილში, მოსახლეობის რაოდენობის მიხედვით ქვეყნის მეორე ქალაქი ლუსაკის შემდეგ. 1961 წელს სოფლები კიტვე და ნკანა გაერთიანდნენ, რის შემდეგაც დასახლებულ პუნქტს სახელად ეწოდა კიტვე. ქალაქის სტატუსი მიიღო 1966 წელს.

გეოგრაფია

ქალაქი მდებარეობს კოპერბელტის პროვინციის ჩრდილოეთით, ქალაქ კალულუშიდან 14 კმ-ით აღმოსავლეთით, ზღვის დონიდან 1212 მეტრ სიმაღლეზე. ქვეყნის სატრანსპორტო კვანძი და მთავარი სამრეწველო ცენტრი.

ეკონომიკა და ტრანსპორტი

სპილენძის საბადო

ქალაქთან ახლოს მდებარეობს სპილენძის და სპილენძ-ნიკელის მადნების დიდი საბადო. აქ მდებარეობს ზამბიაში უდიდესი სპილენძის სადნობი ქარხანა, რომელიც აწარმოებს 200 000 ტონამდე სპილენძს წელიწადში. ქალაქში ასევე მოქმედებს მანქანათმშენებლობის საწარმოები, ქიმიური, ავეჯის, კვების და სამკერვალო მრეწველობის საწარმოები.

ქალაქში მდებარეობს რკინიგზის სადგური. სამგზავრო სარკინიგზო კავშირი არსებობს ქალაქებთან: ლუსაკა, ნდოლა და ლივინგსტონი, ხოლო სატვირთო სარკინიგზო ხაზები გრძელდება კიტვედან ჩრდილო-დასავლეთით მდებარე მეშახტეთა ქალაქებისკენ.

ქალაქიდან 12 კმ-ით სამხრეთ-დასავლეთით მდებარეობს აეროპორტი 2000 მეტრი ასაფრენ-დასაჯდომი ზოლის სიგრძით. 2005–2008 წლებში აეროპორტი რემონტის გამო დაიკეტა, ხოლო შემდეგ ისევ გაიხსნა. მაგრამ, რეგულარული რეისები ჯერაც არ ხორციელდება. ნდოლის აეროპორტი მდებარეობს 60 კმ-ით სამხრეთ-აღმოსავლეთით კიტვედან, ის იღებს რეგულარულ რეისებს ლუსაკიდან, სოლვეზიდან, ადის-აბებიდან, ნაირობიდან და იოჰანესბურგიდან.

სპორტი

კიტვეში არსებობენ საფეხბურთო კლუბები „ნკანა“ და „პაუერ დაინამოზი“.

დამეგობრებული ქალაქები

კიტვეს დამეგობრებული ქალაქებია:

• ბაია-მარე, რუმინეთი
• ბორი, სერბეთი
• შეფილდი, დიდი ბრიტანეთი
• დეტროიტი, მიჩიგანის შტატი, აშშ