ზემო ქვალონი

სოფელი
ზემო ქვალონი
ქვეყანა	საქართველო
მხარე	სამეგრელო-ზემო სვანეთის მხარესამეგრელო-ზემო სვანეთის მხარე
მუნიციპალიტეტი	ხობის მუნიციპალიტეტი
თემი	ზემო ქვალონი
კოორდინატები	42°18′12″ ჩ. გ. 41°57′55″ ა. გ.
ცენტრის სიმაღლე	15 მ
მოსახლეობა	145 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

ზემო ქვალონი — სოფელი დასავლეთ საქართველოში, ხობის მუნიციპალიტეტში (სამეგრელო-ზემო სვანეთის მხარე), ზემო ქვალონის ადმინისტრაციული ერთეულის (სოფლები: ზემო ქვალონი, საალანიო-საფაჩულიო, სახოჭოლავო) ცენტრი.

მდებარეობს ოდიშის დაბლობზე, ზღვის დონიდან 15 მ-ზე, ხობიდან 12 კმ-ში.

ისტორია

ქვალონი (მეგრ. „ქვიანი ადგილი“) თავდაპირველად ეწოდებოდა ადგილს სოფელ ნოჯიხევის განაპირას, შემდეგ კი უფრო ფართო ტერიტორიის აღმნიშვნელი გახდა. სამეგრელოს სამთავროს დავით დადიანისეული დაყოფით (XIX საუკუნის 40-იანი წლები) სოფელი ქვალონი შედიოდა ზუბის მაზრაში, სამთავროს გაუქმების შემდეგ — ზუგდიდის მაზრაში. სოფელი მნიშვნელოვნად გაფართოვდა XIX საუკუნის მეორე ნახევარში თბილისი-ფოთის რკინიგზის გაყვანასთან დაკავშირებით. XX საუკუნის დასაწყისისთვის არსებობდა სამი სოფელი: ზემო ქვალონი, ქვემო ქვალონი და შუა ქვალონი. 1930-იანი წლებიდან 1990 წლამდე ზემო ქვალონს ეწოდებოდა ალიონი. სოფლის ცენტრში დგას XVI-XVIII საუკუნეების წმ. გიორგის ეკლესიის ნანგრევები.

დემოგრაფია

2014 წლის აღწერის მონაცემებით სოფელში ცხოვრობს 145 ადამიანი.

აღწერის წელი	მოსახლეობა	კაცი	ქალი
2002	205	90	115
2014	145	72	73

ლიტერატურა

• ენციკლოპედია „საქართველო“, ტ. 3, თბ., 2014. — გვ. 350.

რესურსები ინტერნეტში

•  კულტურული მემკვიდრეობის პორტალი, № 5196