ჰობიტი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg ჰობიტი“ ამ გვერდზე გადმოდის. სხვა მნიშვნელობებისთვის იხილეთ ჰობიტი (მრავალმნიშვნელოვანი).
ჰობიტები
ნახევარკაცები, პერიანათები, ჰოლბიტლან
დედაქალაქი დიდსოროეთი
მშობლიური სამყარო შუამიწეთი
მოქმედება შაირი, ბრი
ენა ვესტრონი
არდის არსებები
აინურები
ვალარები
მაიარები (ისტარები)
ილუვატარის შვილები
ელფები
ადამიანები (ჰობიტები)
ჯუჯები
ენტები
სხვა არსებები
არწივები
ორკები
ტროლები
დრაკონები
ჰობიტების საცხოვრებელი ჰობიტონში - ისეთი, როგორიც იგი წარმოდგენილია პიტერ ჯექსონის კინოტრილოგიაში ბეჭდების მბრძანებელი

ჰობიტებიჯონ რონალდ რუელ ტოლკინის გამოგონილი არსებები, რომლებიც გვხვდებიან მის ნაწარმოებებში „ჰობიტი“, „ბეჭდების მბრძანებელი“, „დაუსრულებელი ამბები“ და ასევე „შუამიწეთის ისტორია“. მათ გადამწყვეტი როლი ითამაშეს შუამიწეთის III ეპოქაში.

ჰობიტების შესახებ[რედაქტირება]

როდესაც ადამიანები გაჩნდნენ, მათში ერთი სრულიად განსხვავებული ერი იყო, ჰობიტები. ჰობიტები, შაირის მშვიდობიანი მოსახლეები არიან. მათ არც ომი უყვართ და არც ჩხუბი. ყოველთვის გაურბიან უცხო ერებს, აქვთ დამალვის ნიჭი, არ აცვიათ ფეხსაცმელები, რადგან ფეხზე ბალანი და სქელი ტერფები აქვთ. ტანით ჯუჯებზე პატარები არიან. ისინი დღეში ექვსჯერ ჭამენ. ჩვეულებრივი ჰობიტი მეტრსა და ოც სანტიმეტრზე მაღალი არ იზრდება.

საკუთარ თავს ჰობიტები ქუდუქს უწოდებენ (ვესტრონის ენა, საერთო ენა). ადამიანები მათ უწოდებენ მოკლეტანიანებს, ელფები კი სინდარინის ენაზე - Perianath.

ჰობიტები ლაპარაკობენ ვესტრონის ენაზე, თუმცა აქვთ საკუთარი დიალექტი, ამ დიალექტიდან მომდინარეობს სიტყვა ჰობიტი.

ჰობიტები იყოფიან სამ რასად . ესენია:

  • ტერფბალნიანები
  • თეთრონები
  • ჯანიანები

ამ რასებს შორის მხოლოდ ფიზიკური განსხვავებებია, მაგალითად, ზოგ ჰობიტს წვერები აქვს, ზოგს ფეხსაცმელი აცვია, ზოგს ცურვაც კი შეუძლია, რაც იშვიათია ჰობიტებისთვის, ასევე ზოგიერთს შეუძლია ნავის მართვა.

ოდესღაც ჰობიტები როვანიონის ტერიტორიაზე ცხოვრობდნენ, მდინარე ანდუინის გარშემო, ზამბახის ველზე, მაგრამ როდესაც მესამე ეპოქაში, მწვანე ტყეში მგლები და ორკები მომრავლდნენ (რაც საურონის გამოჩენამ გამოიწვია), ჰობიტებმა გადაწყვიტეს ამ ადგილების მიტოვება და დაიწყეს დასaვლეთში მიგრაცია.

მესამე ეპ. 1300 წელს ჰობიტები ბრიში დასახლდნენ.

მესამე ეპ. 1600 წელს ართედაინის მეფემ, არგელებ II-მ დაუთმო ჰობიტებს მისი მიწები, რადგან დიდმა ჭირმა ეს მიდამოები მთლიანად გააუკაცრიელა. ამ გაუკაცრიელებაში ანგმარის გრძნეულთა სამეფომაც მიიღო მონაწილეობა, მან მთლიანად გაანადგურა სამეფო არნორი.

შაირში ჰობიტები თავიანთვის მშვიდად არიან, მათი მეურნეობა მეტნაწილად მებაღეობა, ხელოსნობა და ვაჭრობაა.

შაირში არსებობს თაინის თანამდებობა. თაინები ყოველთვის ტუკების საგვარეულოდან იყვნენ, ისინი მთავარ-სარდლები არიან. თუმცა მშვიდობიან შაირში უსაქმოდ რჩებიან, რადგან როგორც აღვნიშნე ომები შაირის ისტორიაში თითქმის არ გვხვდება.

ფეოდალიზმს ჰობოტები არ სცნობენ, ისინი მერს ირჩევენ, რომელიც თორმეტ წესრიგის დამცველს განაგებს. მესაზღვრეებს ჰობიტები თვითონ ირჩევენ. მართალია, რომ მოლაშქრე დუნადანები იცავენ სინამდვილეში შაირს, მაგრამ ჰობიტებს მაინც არ სურთ სხვა ერებთან კავშირში შესვლა. ასე რომ არც მესაზღვრე ჰობიტები არიან ძალიან დაკავებულები.

ჰობიტები ძალიან განსხვავდებიან ადამიანებისაგან, დაპყრობა, კაცისკვლა და ძალაუფლებისკენ ლტოლვა მათთვის უცხოა.

ჰობიტები არ ცხოვრობენ სახლებში, ისინი გორებში გამოქვაბულებს თხრიან, რომლებიც სიმყუდროვით გამოირჩევა. ასეთ სახლს სმიალი ეწოდება, აქედანაც მოდის მათი სახელი, „ჰობიტ“ ანუ გამოქვაბულის მაცხოვრებელი.

ჰობიტებს არ უყვართ მოგზაურობა, ან სახლის დატოვება თუნდაც რამდენიმე კვირით. ფროდომ და ბილბომ ბევრი იმოგზაურეს, მაგრამ მათ ეს თავიანთი სურვილით არ გაუკეთებიათ. ბილბო გამონაკლისია, რადგან მას ძალიან შეუყვარდა თავგადასავლები და მოგზაურობა.

მეოთხე ეპოქაში შაირი, ისევ გაერთიანებული სამეფოს ვასალი გახდა. მეფე არაგორნ II ჰობიტებს მშვიდობას შეჰპირდა, რომელიც დიდხანს გაგრძელდა შაირში და მთელს შუამიწეთში.

ცნობილი ჰობიტები[რედაქტირება]

  • ბილბო ბეგინსი - რომელმაც იპოვა ძალაუფლების ბეჭედი და დაესწრო ხუთი ლაშქრის ბრძოლას.
  • ფროდო ბეგინსი - მას გადაეცა ძალაუფლების ბეჭედი და შაირიდან ბედისწერის მთამდე ატარა ეს ბეჭედი. მას უწოდებდნენ ასევე ბეჭდის მფლობელს.
  • სემუაიზ გემჯი - ფროდოს მებაღე. სემი მორდორის შუაგულამდე გაჰყვა მის ბატონს, ფროდოს და ბევრი საფრთხიდან დააღწევინა თავი.
  • მერიადოკ ბრენდიბაკი - იგივე მერი. ფროდოს ნათესავი. იგი ბაკლენდიდან მოყოლებული, ჰენეთ-ანუნამდე ფროდოს გვერდით იყო. მონაწილეობა მიიღო იზენგარდის აღებაში, ენტებთან ერთად.
  • პერეგრინ ტუკი - იგივე პიპინი. მერიადოკის ბიძაშვილი და ფროდოს ნათესავი. იგი ხშირ შემთხვევაში მერიადოკის გვერდით იყო, სანამ განდალფმა არ წაიყვანა მინას ტირითში, სადაც მან ფიცი დაუდო მეფისშემცვლელ დენეთორს. პერეგრინმა მონაწილეობა მიღო ფელენორის ბრძოლაში, ეოვინთან ერთად, ამ ორმა გრძნეულთა მეფეს მუსრი გაავლო.
  • სმეაგოლი - იგივე გოლუმი. მან ბეჭდის გამო საკუთარი მეგობარი მოახრჩო. 500 წლის განმავლობაში მალავდა ბეჭედს ნიასლიან მთებში, სანამ ბილბომ არ "მოპარა". მისი იერი სრულიად შეიცვალა ბეჭდის მითვისებასთან ერთად და იგი გადაიქცა საზარელ არსებად.

რესურსები ინტერნეტში[რედაქტირება]