გოლუმი
| გოლუმი | |
პერსონაჟი ტოლკინის ნაწარმოებიდან  |
|
| ქართულ თარგმანში | გოლლუმი |
|---|---|
| სხვა სახელები | გოლლუმი, მყრალი, სმეაგოლი, ტრაჰალდი (’მართალი’ ვესტრონის ენაზე) |
| რასები | ჰობიტი |
| დაბადება | დაახლოებით 2430 (მესამე ეპოქა) |
| სიკვდილი | 25 მარტი 3019 (მესამე ეპოქა) |
| წარმოშობა | როვანიონი (მაგრამ ცხოვრობდა ნისლიან მთებში) |
| წიგნები | ჰობიტი ბეჭდების მბრძანებელი |
გოლუმი (ან „გოლლუმი“) — ჯ. რ. რ. ტოლკინის რომანის „ბეჭდების მბრძანებელი“ პერსონაჟი. იგი პირველად გამოჩნდა წიგნში „ჰობიტი“ და მოგვიანებით ერთ-ერთი ცენტრალური გმირის სახით - ბეჭდების მბრძანებელში.
გოლუმის ერთერთი განმასხვავებელი თავისებურება არის მისი ლაპარაკის მანერა. საკუთარ თავზე საუბრობს მრავლობით რიცხვში და ჩვეულებრივი სიტყვების მოდიფიცირებულ ვერსიებს იყენებს. მაგალითად ”ჰობიტსები” - ”ჰობიტების” ნაცვლად, ”ჩიტებბი” - ”ჩიტების” ნაცვლად და ა.შ.
გოლუმი თავდაპირველად იყო ჰობიტი, რომელიც ცხოვრობდა ზამბახის ველებთან.[1] მას სინამდვილეში ერქვა „სმეაგოლი“ და სახელი „გოლუმი“ შეიძინა ყელიდან საზარელი ხმის გამოშვებით. [2] ძალაუფლების ბეჭედმა იგი გარყვნა. ამით მისი სიცოცხლე უფრო ხანგრძლივი გახდა. ბეჭედს გოლუმი ხშირად უწოდებდა „ჩემი საუნჯე“ ან „ჩემი დაბადების დღის საჩუქარი“. მას შემდეგ, რაც იგი ბილბო ბეგინსის საკუთრებაში გადავიდა, გოლუმი ბეჭედს სიცოცხლის ბოლომდე ეძებდა.
ბეჭდის გავლენის ქვეშ საუკუნეების მანძილზე ყოფნისას, გოლუმს უყვარდა და ეზიზღებოდა ეს ნივთი, ისევე როგორც უყვარდა და ეზიზღებოდა საკუთარი თავი. ისტორიის თხრობისას ჩანს, რომ გოლუმს პიროვნების გაორების ნიშნები აქვს, იგი ორ ცეცხლს შორის არის - სურს ბეჭდის დაბრუნება და ამავე დროს, მისგან გათავისუფლებაც.
ფილმ-ტრილოგიაში ბეჭდების მბრძანებელი გოლუმის როლი შეასრულა მსახიობმა ენდი სერკისმა.
[რედაქტირება] პიროვნება
გოლუმი არის დაბალი სიმაღლის არსება, გამხდარი, დიდი მანათობელი თვალებით. ”ჰობიტის” მიხედვით მისი კანი პრიალა და შავი ფერისაა. ”ჰობიტში” არ არის ნახსენები ის, რომ წარსულში გოლუმი ზემოთ, მიწაზე ცხოვრობდა. ასევე არაა ნათქვამი, რომ იგი ოდესრაც ნახევარკაცა (ჰობიტი) იყო.
 |
„ვინ ან რა იყო გოლუმი - უცნობია. გოლუმი და მორჩა“
|
|
(ჰობიტი)
|
სავარაუდოდ, ასევე ავტორის თავდაპირველი ჩანაფიქრის მიხედვით, გოლუმი იყო უცნობი ჯიშის არსება. ასეა იგი გამოყვანილია რალფ ბაკშის მიერ გადაღებულ ანიმაციურ ფილმ ბეჭდების მბრძანებელში - ჰგავს როგორც ობობას, ასევე მშიერ ბაყაყს. პიტერ ჯეკსონის კინოვერსიაში კი იგი პირიქით, საკმაოდ უფერულია. ის ზოგადად ონიერია, თუმცა მშიშარა და მატყუარაა.
”ბეჭდების მბრძანებელში” გოლუმის ბიოგრაფია და პიროვნება ჩნდება გაცილებით ვრცლად: ტრილოგიაში იგი წარმოდგენილია არა გაურკვეველ ურჩხულად, არამედ უბედურ ყოფილ ჰობიტად, ბეჭდის მსხვერპლად. იგი იტანჯება პიროვნების გაორებით, იწყებს საუბარს საკუთარ თავთან, გაყოფილია მშიშარა სმეაგოლად და ბოროტ გოლუმად.
[რედაქტირება] სქოლიო
- ↑ Gollum. Lord of the Rings Fantasy World. წაკითხვის თარიღი: 28 November 2010.
- ↑ თარგი:ME-ref
[რედაქტირება] რესურსები ინტერნეტში
- გოლუმის ბიოგრაფია საიტზე Tolkien.ge
- გოლუმი — საიტზე Tolkien Gateway
- გოლუმი საიტზე Thain's Book
- გოლუმი საიტზე Encyclopedia of Arda
 |
ეს სტატია ჯ. რ. რ. ტოლკინის შესახებ ჯერჯერობით ესკიზია. თქვენ შეგიძლიათ დაგვეხმაროთ, და შეავსოთ იგი. |
