მოტოციკლისტის დღიურები (ფილმი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მოტოციკლისტის დღიურები
რეჟისორი ვალტერ სალესი
პროდიუსერი მაიკლ ნოზიკი
ედგარ ტენენბაუმი
კარენ ტენჰოფი
სცენარის ავტორი ერნესტო ჩე გევარა (წიგნი),
ალბერტო გრანადო (წიგნი)
ხოსე რივერა
როლებში გაელ გარსია ბერნალი,
როდრიგო დე ლა სერნა
კომპოზიტორი გუსტავო სანტაოლალა
ოპერატორი ერიკ გოტიე
მონტაჟი ბრაიან ბერდენი
კინოსტუდია FilmFour, South Fork Pictures,
Tu Vas Voir Productions, BD Cine,
Inca Films S.A.,
Sahara Films,
Senator Film Produktion,
Sound for Film
გამოსვლის თარიღი 2004 წ.
ხანგრძლივობა 128 წთ.
ქვეყანა არგენტინის დროშა არგენტინა
კუბის დროშა კუბა
გერმანიის დროშა გერმანია
მექსიკის დროშა მექსიკა
გაერთიანებული სამეფოს დროშა გაერთიანებული სამეფო
ჩილეს დროშა ჩილე
პერუს დროშა პერუ
საფრანგეთის დროშა საფრანგეთი
ენა კეჩუა, ესპანური, მაპუდუნგუნი
ბიუჯეტი $57,6
IMDb პროფილი

მოტოციკლისტის დღიურები (ესპ. Diarios de motocicleta) — 2004 წელს გადაღებული ბიოგრაფიული ფილმი მოგზაურობის შესახებ, რომელიც მემუარულ ნაწარმოებში აღწერა 23 წლის ერნესტო გევარამ, რომელიც შემდეგ საერთაშორისოდ გახდა ცნობილი, როგორც მარქსისტი რევოლუციონერი ჩე გევარა. ფილმი აღწერს 1952 წლის ექსპედიციას სამხრეთ ამერიკის გასწვრივ, ძირითადად მოტოციკლით, თავის მეგობარ ალბერტო გრანადოსთან ერთად. თავგადასავალი ძირითადად ტრიალებს ახალგაზრდული ჰედონიზმის გარშემო, გევარა თავის თავში აღმოაჩენს, რომ ის გარდაქმნა გაღარიბებული ადგილობრივი გლეხების ცხოვრების ხილვამ. თავიანთ კონტინენტური მარშრუტისას, გევარა და გრანადო მოწმე ხდებიან არნახული სიღარიბისა, რომელიც მათ სხვაგან არსად არასდროს ენახათ. მათდა გასაკვირად, მოგზაურობამ გააცნო ლათინური ამერიკის იდენტობის ნამდვილი და მომაჯადოებელი სურათი. შედეგად, ამ მოგზაურობამ გევარაში წარმოშვა დისონანსული შემეცნების თავდაპირველი მარცვალი და რადიკალიზმი, რომელმაც მომავალში მას დაანახვა, რომ კონტინენტისათვის ჩვეული ეკონომიკური უთანასწორობის შეცვლის ერთადერთი გზა შეიარაღებული რევოლუციაა.

სცენარი ეყრდნობა გევარას ნაწარმოებს - მოტოციკლისტის დღიურები. დამატებითი კონტექსტები ასევე აღებულია ალბერტო გრანადოს ნაწარმოებიდან - მოგზაურობა ჩე გევარასთან ერთად: რევოლუციონერად გარდასახვა. გევარას როლს თამაშობს მექსიკელი მსახიობი გაელ გარსია ბერნალი, გრანადოს კი არგენტინელი როდრიგო დე ლა სერნა, რომელიც შემთხვევით გევარას მეორე ბიძაშვილი აღმოჩნდა დედის მხრიდან. რეჟისორია ბრაზილიელი ვალტერ სალესი. ფილმი საერთაშორისო ნამუშევარია და მის შექმნაში მონაწილეობა მიიღეს საპროდიუსერო კომპანიებმა არგენტინიდან, აშშ-იდან, გერმანიიდან, გაერთიანებული სამეფოდან, ჩილედან, პერუდან და საფრანგეთიდან. ფილმის აღმასრულებელი პროდიუსერები არიან რობერტ რედფორდი, პოლ ვებსტერი და რებეკა იელდჰამი. პროდიუსერები - ედგარ ტენენბაუმი, მაიკლ ნოზიკი და კარენ ტენკოფი.

იხილეთ აგრეთვე[რედაქტირება]

ლიტერატურა[რედაქტირება]

რესურსები ინტერნეტში[რედაქტირება]