მატეო კოვაჩიჩი

მატეო კოვაჩიჩი

პირადი მონაცემები
დაბადების თარიღი	6 მაისი, 1994 (1994-05-06)
დაბადების ადგილი	ლინცი, ავსტრია
სიმაღლე	181 სმ
სათამაშო პოზიცია	ნახევარმცველი
საკლუბო ინფორმაცია
მიმდინარე კლუბი	მანჩესტერ სიტი
ნომერი	8
ახალგაზრდული კარიერა
2000–2007	ლასკი
2007–2010	დინამო ზაგრები
პროფესიონალური კარიერა*
წლები	გუნდი	მატჩი	(გოლი)
2010-2013	დინამო ზაგრები	43	(7)
2013–2015	ინტერნაციონალე	80	(5)
2015–2018	რეალ მადრიდი	73	(1)
2018–2019	→  ჩელსი	32	(0)
2019–2023	ჩელსი	110	(4)
2023–	მანჩესტერ სიტი	6	(0)
ეროვნული ნაკრები‡
2008	ხორვატია 14-წლ.	2	(1)
2009	ხორვატია 15-წლ.	2	(0)
2009–2011	ხორვატია 17-წლ.	15	(0)
2011–2012	ხორვატია 19-წლ.	6	(0)
2011–	ხორვატია 21-წლ.	7	(0)
2013–	ხორვატია	97	(5)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 8 ოქტომბერი, 2023 ‡ ეროვნული ნაკრების მატჩი და გოლი ბოლოს განახლდა: 15 ოქტომბერი, 2023

მატეო კოვაჩიჩი (ხორ. Mateo Kovačić; დ. 6 მაისი, 1994, ლინცი, ავსტრია) — ხორვატი ფეხბურთელი, ხორვატიის ეროვნული ნაკრებისა და „მანჩესტერ სიტის“ ნახევარმცველი.

კარიერა

საკლუბო

მატეო კოვაჩიჩი ბოსნიელი ხორვატების ოჯახში ავსტრიის ქალაქ ლინცში 1994 წლის 6 მაისს დაიბადა, სადაც მისი მშობლები ჯერ კიდევ 1991 წელს გადავიდნენ. ფეხბურთის თამაში 6 წლის ასაკში, ლინცის საფეხბურთო კლუბ „ლასკის“ ბავშვთა გუნდში დაიწყო.

13 წლის ასაკში გამორჩეული საფეხბურთო მონაცემების მქონე ნახევარმცველი „აიაქსის“, „შტუტგარტის“, „ბაიერნისა“ და „იუვენტუსის“ სკაუტებმა შენიშნეს, მაგრამ მისმა ოჯახმა გადაწყვიტა ზაგრებში გადასულიყო, სადაც მატეო ადგილობრივი „დინამოს“ საფეხბურთო აკადემიაში შევიდა.

პროფესიული საფეხბურთო კარიერა ზაგრების „დინამოში“ 16 წლის ასაკში დაიწყო, რომლის შემადგენლობაშიც ზედიზედ ორჯერ ხორვატიის ჩემპიონის წოდება მოიპოვა, ვიდრე 2013 წელს მილანის „ინტერში“ გადაინაცვლებდა. 2011 წელს დასახელდა ხორვატიის წლის საუკეთესო ახალგაზრდა ფეხბურთელად.

2014–15 წლების სეზონის შემდეგ მან მადრიდის „რეალში“ განაგრძო თამაში, სადაც ზედიზედ სამჯერ (2015–16, 2016–17, 2017–18) უეფა-ს ჩემპიონთა ლიგა მოიგო.

შემდეგ, 2018 წელს ჯერ იჯარით „ჩელსის“ რიგებში განაგრძო თამაში, ხოლო 2018–19 წლების სეზონის ბოლოს კი ინგლისურ კლუბთან კონტრაქტს საბოლოოდ მოაწერა ხელი. „ჩელსის“ შემადგენლობაში, კოვაჩიჩმა უეფა-ს ევროპა ლიგა (2018–19) და უეფა-ს ჩემპიონთა ლიგა (2020–21) მოიგო, ასევე 2019–20 სეზონის „ჩელსის“ წლის საუკეთესო მოთამაშედ დასახელდა. „ჩელსის“ რიგებშივე გახდა უეფა-ს სუპერთასის მფლობელი და ფიფა-ს მსოფლიო საკლუბო ჩემპიონატის გამარჯვებული 2021–22 სეზონში.

სანაკრებო

ავსტრიაში დაბადებული კოვაჩიჩი ხორვატიის სხვადასხვა ასაკობრივი ნაკრების შემადგენლობაში თამაშობდა, ხოლო ეროვნულ ნაკრებში 2013 წლიდან დაიწყო თამაში, რომლის შემადგენლობაშიც 2014, 2018 და 2022 წლების მსოფლიო ჩემპიონატებზე და 2016 და 2020 წლების უეფას ევროპის ჩემპიონატებზე ისაპარეზა, რა დროსაც 2018 წლის მსოფლიო ჩემპიონატისა და 2023 წლის უეფას ერთა ლიგის ფინალებამდე მიაღწია.

მიღწევები

საკლუბო

ზაგრების დინამო

• ხორვატიის ჩემპიონატი: 2010–11, 2011–12
• ხორვატიის თასი: 2010–11, 2011–12

მადრიდის რეალი

• უეფა-ს ჩემპიონთა ლიგა: 2015–16, 2016–17, 2017–18
• ესპანეთის სუპერთასი: 2017
• ლა ლიგა: 2016–17
• უეფა-ს სუპერთასი: 2016, 2017
• ფიფა-ს მსოფლიო საკლუბო ჩემპიონატი: 2016, 2017

ჩელსი

• უეფა-ს ჩემპიონთა ლიგა: 2020–21
• უეფა-ს ევროპა ლიგა: 2018–19
• უეფა-ს სუპერთასი: 2021
• ფიფა-ს მსოფლიო საკლუბო ჩემპიონატი: 2022

მანჩესტერ სიტი

• უეფა-ს სუპერთასი: 2023
• ფიფა-ს მსოფლიო საკლუბო ჩემპიონატი: 2023

სანაკრებო

ხორვატია

• მსოფლიო საფეხბურთო ჩემპიონატის ფინალისტი: 2018

ინდივიდუალური

• ხორვატიის წლის საუკეთესო ახალგაზრდა ფეხბურთელი: 2011
• „ჩელსის“ წლის საუკეთესო მოთამაშე: 2019–20
• „ჩელსის“ წლის გოლის ავტორი: 2021–22
• პრემიერ ლიგის თვის გოლის ავტორი: 2022 წლის იანვარი

ჯილდოები

• ჰერცოგ ბრანიმირის ორდენის კავალერი: 2018

რესურსები ინტერნეტში

ვიკისაწყობში არის გვერდი თემაზე:

მატეო კოვაჩიჩი

• პროფილი ხორვატიის საფეხბურთო ნაკრების ოფიციალურ საიტზე
• პროფილი მადრიდის „რეალის“ ოფიციალურ საიტზე

სოციალური ქსელები
Facebook · Instagram