იცქისი - სოფელი საჩხერის მუნიციპალიტეტში (არგვეთის თემი ). მდებარეობს მდინარე იზვარის (ყვირილის მარცხენა შენაკადი) მარჯვენა ნაპირზე. ზღვის დონიდან 660 მეტრი, საჩხერიდან 8 კილომეტრი. 2002 წლის აღწერის მონაცემებით, სოფელში ცხოვრობს 444 კაცი.
სოფელში შემორჩენილია ციხესიმაგრის ნანგრევები. რამდენიმე წლის წინ იმის გამო, რომ სოფელი მდებარეობდა საჩხერის სილის კარიერის მახლობლად და შეუძლებელი იყო სილის მოპოვების გაგრძელება, სოფლის მოსახლეობა მდინარე ყვირილის მარცხენა ნაპირზე, საჩხერე–სავანის საავტომობილო გზაზე, გადასახლდა.
