Violet Hill — პირველი სინგლი Coldplay-ს 2008 წლის ალბომიდან Viva la Vida or Death and All His Friends. სინგლის სახით იგი გამოდის 2008 წლის 5 მაისს - ვინილის ჩანაწერისა და ციფრული ფორმატის სახით. სინგლის პრემიერა გაიმართა ამავე წლის 29 აპრილს, ჯორჯ ლემბის შოუზე, ბი-ბი-სი 6-ის ეთერში. სინგლის მუსიკალური ვიდეო გადაღებული იქნა სიცილიაში, იტალიაში. მასში ჯგუფის წევრები მხიარულად დახტიან ძველ ნანგრევებზე და სიმღერის შესრულების იმიტაციას ახდენენ. სიმღერის ალტერნატიული, სახუმარო კლიპი გავრცელდა ჯგუფის ოფიციალური საიტის მეშვეობით - მასში სიმღერას რითმულად და სინქრონულად მისდევს სხვადასხვა პოლიტიკოსის ცხოვრების ამსახველი ვიდეოკადრები, უშუალოდ - ჯორჯ ბუშის.
ვინილის ჩანაწერს, რომელიც უფასოდ გავრცელდა ჟურნალის NME 7 მაისის გამოცემასთან ერთად, თან დაერთო დამატებითი სიმღერა "A Spell A Rebel Yell", რომელიც არ იქნება შეტანილი ალბომში Viva la Vida or Death and All His Friends.
2008 წლის 12 მაისს სიმღერა შევიდა 75 საუკეთესო სინგლის ჩარტში და მოხვდა მის #8 ადგილზე - იმის გათვალისწინებით რომ მანამდე იგი უფასოდ იტვირთებოდა ჯგუფის ოფიციალური საიტიდან და უფასოდ დარიგდა NME-სთან ერთად.
