ლეწურწუმე

მასალა ვიკიპედიიდან — თავისუფალი ენციკლოპედია
Jump to navigation Jump to search
სოფელი
ლეწურწუმე
ქვეყანა საქართველოს დროშა საქართველო
მხარე სამეგრელო-ზემო სვანეთი
მუნიციპალიტეტი ჩხოროწყუს მუნიციპალიტეტი
თემი ლეწურწუმე
კოორდინატები 42°31′16″ ჩ. გ. 42°06′01″ ა. გ. / 42.52111° ჩ. გ. 42.10028° ა. გ. / 42.52111; 42.10028
ცენტრის სიმაღლე 246
მოსახლეობა 801[1] კაცი (2014)
ეროვნული შემადგენლობა ქართველები 99%[2]
ლეწურწუმე — საქართველო
ლეწურწუმე
ლეწურწუმე — სამეგრელო-ზემო სვანეთის მხარე
ლეწურწუმე

ლეწურწუმე (ლერწუმე) — სოფელი საქართველოში, სამეგრელო-ზემო სვანეთის მხარის ჩხოროწყუს მუნიციპალიტეტში, ზღვის დონიდან 246 მეტრის სიმაღლეზე. მდებარეობს მდ. ხობისწყლის მარჯვენა ნაპირზე, მუნიციპალიტეტის ცენტრიდან დასავლეთით 4,8 კმ–ის დაშორებით. ლეწურწუმე მოქცეულია სოფლების: ნაკიფუს, ობუჯის, კირცხის,ქვედა ჩხოროწყუს,დახაბუმეს შორის. ლ.–ე განფენილია ყალიჩონას,საპერტაიოს,ლეცანეს,ნაკათის მაღლობებზე.სოფელის შემადგენლობაში შედის შემდეგი უბნები: ჯუმითი, საპერტაიო, საკვინჩიო, ლეჟა, ეგიარზენი, ნაკათი, საესართიო, ლეჯობე, ჭალე, საახალაიო, როკონა, ნაკოპერატუ, მიკოხი, ენწერი. მთავარი ქუჩაა შოთა ესართიას ქუჩა.

სოფელი მდებარეობს ლეწურწუმის გორაკ–ბორცვებზე, რომელიც ძირითადად აგებულია კირქვებით, ამიტომაც სოფელში ბევრი მღვიმე (მაგ. საპერტაიო, ლეწურწუმე, ყალიჩონა) და კირქვული წარმონაქმნია.

გარდა მდ. ხობისწყლისა, სოფელში ჩამოედინება მდინარეები: სქურჩა, ქორთუ,და ჯაღრაფონი.

სოფლიში არის ლეწურწუმის საშუალო სკოლა და ნაკათის პირველდაწყებითი საშუალო სკოლა. სოფლის ცენტრში კომუნისტური ეპოქისთვის დამახასიათებელი არქიტექტურული ნიმუშებია: საბავშვო ბაღი, ე.წ.ლეწურწმის კანტორა, სოფლის გამგეობა, მაღაზიები, მეორე მსოფლიო ომში დაღუპული ლეწურწუმელების მემორიალი,სამეგრელოს გლეხთა აჯანყების (1856–1858) სიმბოლური მემორიალი, რომლის ერთ–ერთ შეტაკება სწორედ სოფლის ცენტრში მოხდა. სოფლის ცენტრში აღმართულია სატელევიზიო ანძა, რომელიც ჩხოროწყუს მუნიციპალიტეტის რადიოფიცირებას ახდენს..

სოფელი დასახლებულია გვარებით: წურწუმია, ესართია, პერტაია, კვინჩია.

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 801 ადამიანი.

აღწერის წელი მოსახლეობა კაცი ქალი
2002[2] 736 355 381
2014[1] Increase2.svg 801 381 420

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 7 ნოემბერი, 2016.
  2. 2.0 2.1 საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II