ლეონ III

ლეონ III
აფხაზთა მეფე
მმართ. დასაწყისი:	957
მმართ. დასასრული:	967
წინამორბედი:	გიორგი II
მემკვიდრე:	დემეტრე III
ქართლის ერისთავი
მმართ. დასაწყისი:	926
მმართ. დასასრული:	957
წინამორბედი:	კონსტანტინე
მემკვიდრე:	პატრიკ ტბელი
გარდ. თარიღი:	967
შვილები:	დემეტრე III
მამა:	გიორგი II

სხვა მნიშვნელობებისთვის იხილეთ ლეონ III (მრავალმნიშვნელოვანი).

ლეონ III — „აფხაზთა სამეფოს“ (დასავლეთ საქართველოს) მეფე დაახლოებით 957 –967 წლებში, გიორგი II-ის ძე. გამეფებამდე დანიშნული იყო ქართლის ერისთავად. მამასთან ერთად იბრძოდა კახეთის შემოსაერთებლად. კახეთში ერთ-ერთი ლაშქრობის დროს გიორგი II-ის გარდაცვალების გამო იძულებული გახდა დაზავებოდა კახეთის მეფე კვირიკე II-ს, რომელმაც თავი ლეონ III-ის ვასალად ცნო. ლეონ III-მ რამდენიმე ხნის შემდეგ განაახლა ბრძოლა კახეთის სამეფოს დასაპყრობად, მაგრამ მიზანს ვერ მიაღწია. მის დროს დასავლეთ საქართველოში დიდი სააღმშენებლო სამუშაოები მიმდინარეობდა: ააშენეს მოქვის ეკლესია, რომელიც ლეონ III-მ საკათედრო ტაძრად აქცია; 964 აშენდა კუმურდოს ტაძარი.

ლიტერატურა

გუჩუა ვ., ქართული საბჭოთა ენციკლოპედია, ტ. 6, თბ., 1983. — გვ. 191.

წინამორბედი: გიორგი II	აფხაზეთის მეფე 957 - 967	შემდეგი: დემეტრე III