კვართი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
კვართი
DBP 1959 313 Heiliger Rock.jpg

კვართს აქვს რამდენიმე მნიშვნელობა:

  • სამოსელი
  • ქრისტიანულ ეკლესიაში მღვდელმსახურების დროს მედავითნის, დიაკვნის, მღვდლისა და ეპისკოპოსის ჩასაცმელი. კვართი ითვლება ქრისტეს სამოსლის სიმბოლურ გამოხატულებად. კვართი სტიქარის ნაირსახეობაა. სტიქარისგან განსხვავებით, კვართი თხელი, ღია ქსოვილისგან მზადდება და თასმებით დაბოლოებული, ვიწრო სახელოები აქვს. კვართის ღია ფერი მღვდელს შეახსენებს, რომ მას მუდამ წმიდა სული უნდა ჰქონდეს და უმწიკვლოდ ცხოვრობდეს.
  • უფლის კვართიღვთისმშობლის მიერ მოქსოვილი, იესო ქრისტეს პერანგი. როგორც ცნობილია, ღვთისმშობელმა თავი ტაძრის მსახურებას შესწირა და კარგად იცოდა რელიგიური წეს-ჩვეულებები. რადგან ძველი აღთქმის მიხედვით, მღვდელს ეფოდთან, წამოსასხამსა და სხვა სამოსელთან ერთად, აუცილებლად უნდა სცმოდა ნაქსოვი კვართიც, ღვთისმშობელმ გადაწყვიტა თავისი ძისთვის, როგორც მღვდელთმოძღვრისთვის, მოექსოვა კვართი.
ვიკიციტატა
„ხოლო კვართი იგი... იყო უკერველ, ზეით გამოქსოილ ყოვლად“

ქრისტეს სამოსელი — „კვართი საუფლო“ — საქართველოში ითვლებოდა სვეტიცხოვლის ტაძრის ერთ-ერთ მთავარ სიწმინდედ, რომელიც გოლგოთაზე ქრისტეს ჯვარცმის შემდეგ იერუსალიმიდან ჩამოიტანეს მცხეთელმა ებრაელებმა. გადმოცემით, კვართი დამარხულია „სვეტი ცხოვლის“ ქვეშ. ამ თქმულების განსხვავებული ვარიანტები არსებობს ძველ ქართულ საისტორიო თხზულებებში. XII საუკუნეში ნიკოლოზ გულაბერისძემ ქრისტეს კვართს სპეციალური ნაშრომი მიუძღვნა.

ლიტერატურა[რედაქტირება | წყაროს რედაქტირება]