ელ-ჯადიდა

ქალაქი
ელ-ჯადიდა الجديدة
ქვეყანა	მაროკო
კოორდინატები	33°14′00″ ჩ. გ. 08°30′00″ დ. გ.
ფართობი	7.50 ჰექტარი
მოსახლეობა	144 440 კაცი (2004)
სასაათო სარტყელი	UTC0, ზაფხულში UTC+1
ოფიციალური საიტი	http://www.eljadida.gov.ma
ელ-ჯადიდა ვიკისაწყობში

ელ-ჯადიდა (არაბ. الجديدة - ახალი) — საპორტო ქალაქი მაროკოს ატლანტის ოკეანის სანაპიროზე, ელ-ჯადიდის პროვინციაში. 2004 წლის მონაცემებით, მისი მოსახლეობა 144 440 ადამიანს შეადგენდა. ზღვიდან, ელ-ჯადიდას საკმაოდ მავრული შეხედულება აქვს; ქალაქს გააჩნია დაჩეხილი ქვის პორტუგალიური კედლები.

ელ-ჯადიდა, ადრე ცნობილი, როგორც მაგასანი (პორტ. Mazagão) პორტუგალიელებმა 1502 წელს დაიპყრეს და აკონტროლებდნენ 1769 წლამდე, სანამ მას მიატოვებდნენ. ქალაქის მოასახლეობა ბრაზილიაში გადასახლდა, სადაც დააარსეს ახალი დასახლება ნოვა-მაგასანი (Nova Mazagão). ამის შემდეგ ქალაქი სულთანმა მუჰამედ ბენ-აბდალაჰმა აიღო.

ელ-ჯადიდას გამაგრებული ქალაქი

2004 წელს, პორტუგალიური გამაგრებული ქალაქი მაგასანი იუნესკომ მსოფლიო მემკვიდრეობის სიაში შეიტანა, როგორც „თვალსაჩინო მაგალითი მაროკოული და ევროპული კულტურების გავლენისა", აგრეთვე „ადრეული მაგალითი რენესანსული იდეების განხორციელებისა, რომელიც შერწყმულია პორტუგალიურ სამშენებლო ტექნოლოგიებთან".

იუნესკოს თანახმად, პორტუგალიური პერიოდის ყველაზე მნიშვნელოვანი ნაგებობებია ცისტერნა და ღვთისმშობლის მიძინების ეკლესია.

ამჟამად, ქალაქის ექსპორტის მთავარი პროდუქტებია მარცვლეული კულტურები, ნუში, სიმინდი, მსხალი, შალი, ცვილი და კვერცხი. იმპორტით შედის ბამბა, შაქარი, ჩაი, ბრინჯი. ნავსადგურისა და საწარმოების გამო, ელ-ჯადიდას პლაჟები დაბინძურებულია.

ელ-ჯადიდა საგზაო მაგისტრალით დაკავშირებულია ქალაქ ეს-სუვეირასთან.

იხილეთ აგრეთვე

• მსოფლიო მემკვიდრეობის ძეგლების სია არაბულ ქვეყნებში
• მსოფლიო მემკვიდრეობის ძეგლების სია აფრიკაში

რესურსები ინტერნეტში

• website დაარქივებული 2011-07-10 საიტზე Wayback Machine.
• (ფრანგული) Website Of El Jadida
• Website of El Jadida, Morocco
• Website of Mazagan დაარქივებული 2011-07-14 საიტზე Wayback Machine.
• website
• El Jadida entry in Lexicorient დაარქივებული 2008-01-06 საიტზე Wayback Machine.
• El jadida Camping დაარქივებული 2008-05-31 საიტზე Wayback Machine.

მსოფლიო მემკვიდრეობა UNESCO, ობიექტი № 1058 ინგლ. • რუს. • ფრ.