ელიაწმინდა
| სოფელი | |
|---|---|
|
ელიაწმინდა | |
| ქვეყანა |
 საქართველო |
| მხარე | სამცხე-ჯავახეთის მხარე |
| მუნიციპალიტეტი | ახალციხის მუნიციპალიტეტი |
| თემი | ელიაწმინდა |
| კოორდინატები | 41°42′33″ ჩ. გ. 42°57′11″ ა. გ. / 41.70917° ჩ. გ. 42.95306° ა. გ. |
| ცენტრის სიმაღლე | 1440 მ |
| მოსახლეობა | 116[1] კაცი (2014) |
| ეროვნული შემადგენლობა | ქართველები 100 % |
| სასაათო სარტყელი | UTC+4 |
.svg)    | |
ელიაწმინდა — სოფელი ახალციხის მუნიციპალიტეტში, ადმინისტრაციული ერთეულის ცენტრი (სოფლები: ელიაწმინდა, ანი, ჭვინთა).
მდებარეობს ახალციხის ქვაბულში, მდ. ლერწიანის (ფოცხოვისწყლის მარცხენა შენაკადი) სათავეებთან, ზღვის დონიდან 1440 მ-ზე, ქალაქ ახალციხიდან 10 კმ-ის დაშორებით. 2014 წლის აღწერით სოფელში 116 მცხოვრებია.
ისტორია
[რედაქტირება | წყაროს რედაქტირება]სოფელი ისტორიული სამცხის ნაწილია. სახელი უნდა მომდინარეობდეს წმინდა ელიას ეკლესიისგან, რომელიც იქ ადრე მდგარა. 1595 წლის „გურჯისტანის ვილაიეთის დიდ დავთარში“ ელიაწმინდა გაუკაცრიელებულ სოფლად მოიხსენიება. ამ დროს ის ახალციხის ლივის მზვარის ნაჰიეში შედიოდა. 1829 წელს ელიაწმინდა სამცხესთან ერთად რუსეთის იმპერიას შეუერთდა. 1870 წელს აქ 4 კომლი ცხოვრობდა. 1944 წელს სოფლის მუსულმანური მოსახლეობა შუა აზიაში გადაასახლეს. 1949 წელს სოფელ ელიაწმინდას შეუერთდა ელიაწმინდის სასოფლო საბჭოს სოფელი ყურთუბანი.[2]
ისტორიულ ძეგლთაგან სოფელში ერთიც არ გადარჩენილა. სოფლის ჩრდილოეთით ღრმა ტყიან ხეობაში, ქედის კეხზე, აღმართულია ერთნავიანი ეკლესია, რომელიც ცნობილია ბოწორისის სახელწოდებით.
დემოგრაფია
[რედაქტირება | წყაროს რედაქტირება]2014 წლის აღწერის მონაცემებით სოფელში ცხოვრობს 116 ადამიანი.
| აღწერის წელი | მოსახლეობა | კაცი | ქალი |
|---|---|---|---|
| 2002[3] | 183 | 92 | 91 |
| 2014[1] |  116 |
54 | 62 |
ლიტერატურა
[რედაქტირება | წყაროს რედაქტირება]- ბერძენიშვილი დ., საყვარელიძე თ., ენციკლოპედია „საქართველო“, ტ. 2, თბ., 2012. — გვ. 644.
სქოლიო
[რედაქტირება | წყაროს რედაქტირება]- ↑ 1.0 1.1 მოსახლეობის 2014 წლის აღწერა (არქივირებული). საქართველოს სტატისტიკის ეროვნული სამსახური (ნოემბერი 2014). ციტირების თარიღი: 30 დეკემბერი 2019.
- ↑ საქართველოს სსრ უმაღლესი საბჭოს უწყებები, №10-11 (23-24), გვ. 7, თბ., 1949 წ. ISSN 0203-2023
- ↑ მოსახლეობის 2002 წლის აღწერა. საქართველოს სტატისტიკის ეროვნული სამსახური (2002 წელი). ციტირების თარიღი: 30 დეკემბერი 2019.
| ||||||||||
