წიგნი დაბადებისა
წიგნი დაბადებისა, დაბადება (ებრ. בְּרֵאשִׁית, ბერეშით — ”თავდაპირველად”; ლათ. Genesis - გენეზისი; ძვ.ბერძ. Γένεσις — გენესის - ღენესეოს; აგრეთვე ”მოსეს პირველი წიგნი”) — ხუთწიგნეულის (თორას), ძველი აღთქმისა და მთლიანი ბიბლიის პირველი კანონიკური წიგნი. წიგნი მოგვითხრობს სამყაროს შექმნის, კაცობრიობის უძველესი ისტორიისა და ებრაული ერის წარმოშობის შესახებ. გადმოცემა იწყება სამყაროსა და ადამიანის შექმნით და თავდება ეგვიპტეში იოსების სიკვდილით. შედგება ხუთი თავისგან.
დასახელება
[რედაქტირება | წყაროს რედაქტირება]წიგნის ებრაული დასახელება, ისევე როგორც თორას სხვა წიგნებისა, აღებულია პირველი სიტყვიდან. თალმუდისტურ ლიტერატურაში ამ წიგნს ხშირად მოიხსენიებენ როგორც «ספר מעשה בראשית» (სეფერ მაასე ბერეშით) — ”წიგნი არსებობის დასაწყისისა”, საიდანაც წარმოდგება ამ წიგნის სახელწოდება ბიბლიის მრავალ თარგმანში. თალმუდში ჰქვია ასევე ”სეფერ ა-შარ” (სიტყვასიტყვით ”პირდაპირი წიგნი”), იმ პატრიარქების პატივსაცემად, რომლებიც იყვნენ ”პირდაპირები” (ანუ მართლები ადამიანებთან და ღმერთისთვის თავდადებულები). ზოგიერთ შუა საუკუნეების ხელნაწერში ვხვდებით ასევე სახელწოდებას ”სეფერ რიშონ” (”პირველი წიგნი”) ან ”სეფერ ბრიათ ა-ოლამ” (”წიგნი სამყაროს შექმნისა”).
წიგნის შინაარსი
[რედაქტირება | წყაროს რედაქტირება]წიგნი შედგება ორი მთავარი ნაწილისგან:
- კაცობრიობის ისტორია პატრიარქებამდე (თავები 1-11), შეიცავს მსოფლიო ისტორიის უნივერსალურ შესავალს, რადგან ეხება მთელი კაცობრიობის პირველყოფილი ისტორიის საწყისებს.
- პატრიარქებისა და მათი ოჯახების ისტორია (თავები 12-50), გადმოგვცემს ებრაული ერის ჩასახვის ისტორიას მისი მამამთავრების აბრაამის, ისააკისა და იაკობის სახით.
წიგნის დაყოფა დაუყოფავ თავებად
[რედაქტირება | წყაროს რედაქტირება]- ბერეშით (1:1-6:8)
- ნოაჰ (6:9-11:32)
- ლეჰ ლეჰა (12:1-17:27)
- ვეერა (18:1-22:24)
- ხაეი სარა (23:1-25:18)
- თოლდოტ (25:19-28:9)
- ვაეცე (28:10-32:3)
- ვაიშლაჰ (32:4-36:43)
- ვაეშევ (37:1-40:23)
- მიქეც (41:1-44:17)
- ვაიჰაშ (44:18-47:27)
- ვაეხი (47:28-50:26)
რესურსები ინტერნეტში
[რედაქტირება | წყაროს რედაქტირება]
- Book of Genesis illustrated
- Genesis Reading Room დაარქივებული 2012-05-05 საიტზე Wayback Machine. (Tyndale Seminary): online commentaries and monographs on Genesis.
- აუდიო–ვერსია
- בראשית Bereishit - Genesis დაარქივებული 2010-06-12 საიტზე Wayback Machine. (Hebrew - English at Mechon-Mamre.org)
- Genesis at Mechon-Mamre დაარქივებული 2012-06-06 საიტზე Wayback Machine. (Jewish Publication Society translation)
- Hebrew Audiobook of Genesis from Librivox