იაკობი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
იაკობი და ანგელოზი

იაკობი, ბიბლიის მიხედვით, ისრაელთა მოდგმის ერთ-ერთი პატრიარქი, ისააკის ძე. დედის, რებეკას, შემწეობითა და ცბიერებით თავისი ტყუპის ცალის, ესავისათვის, პირმშოობა წაურთმევია. მის ცოლებსა (ლიასა და რაქილს) და ხარჭებს მისგან თორმეტი ძე უშობიათ, რომლებიც შემდგომ ისრაელიტელთა თორმეტი ტომის მამამთავრები გამხდარან. ღმერთთან შეჭიდების შემდეგ იაკობის მეორე სახელი - ისრაელი (სიტყვასიტყვით - ღმერთან მებრძოლი) მიუღია, მისი შვილებისათვის კი „ისრაელის ძენი“ უწოდებიათ (დაბ. 32, 28). იაკობის თქმულება ბიბლიის პატრიარქთა ლეგენდების პირველ ციკლს ეკუთვნის; მასში მკვეთრად შეინიშნება მესოპოტამიური ელემენტები. იაკობის თქმულებაში რამდენიმე სხვადასხვა გადმოცემაა გაერთიანებული, რომლებიც ებრაელი ტომების უძველეს ისტორიას უკავშირდება. ბიბლიური იაკობი, შესაძლოა, სხვა უფროსი პატრიარქების - აბრაამისა და ისააკის მსგავსად ტომის „წინაპარ-ღმერთის“ პერსონიფიკაციას წარმოადგენდეს.

ლიტერატურა[რედაქტირება]

  • Albright W. F., Archaeology and the religion of Israel, 4 ed., Baltimore, 1956;
  • Eissfeldt O., Einleitung in das Alte Testament, 3. Aufl., Tübingen, 1964;
  • შანიძე მ., ქსე, ტ. 5, გვ. 38-39, თბ., 1980