გოჩა მაჩაიძე

მასალა ვიკიპედიიდან — თავისუფალი ენციკლოპედია
Jump to navigation Jump to search
გოჩა მაჩაიძე
პირადი მონაცემები
სრული
სახელი
გოჩა მაჩაიძე
დაბადების
თარიღი
21 ივნისი, 1950 (1950-06-21) (68 წლის)
დაბადების
ადგილი
ამბროლაური
საქართველოს სსრ
საბჭოთა კავშირი
სიმაღლე 176 სმ.
სათამაშო
პოზიცია
ნახევარმცველი
მცველი
პროფესიონალური კარიერა*
წლები გუნდი მატჩი (გოლი)
1969 ლოკომოტივი 1 (0)
1969–1970 მეტალურგი რ.
1971–1980 დინამო თბ. 133 (3)
1980 გურია 20 (0)
1981 სპარტაკი მ. 1 (0)
1981–1982 ტორპედო ქ. 39 (1)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

გოჩა მაჩაიძე (დ. 21 ივნისი, 1950, ამბროლაური, საქართველოს სსრ) — ქართველი და საბჭოთა ფეხბურთელი, თამაშობდა ნახევარმცველის და მცველის პოზიციაზე. სხვადასხვა დროს იცავდა თბილისის „ლოკომოტივის“, რუსთავის „მეტალურგის“, თბილისის „დინამოს“, ლანჩხუთის „გურიას“, მოსკოვის „სპარტაკის“ და ქუთაისის „ტორპედოს“ ღირსებას. საბჭოთა კავშირის ჩემპიონი (1978), ვიცე-ჩემპიონი (1977) და ორგზის ბრინჯაოს პრიზიორი. საბჭოთა კავშირის თასის ორგზის მფლობელი (1976, 1979) და ფინალისტი (1980) თბილისის „დინამოს“ შემადგენლობაში. საბჭოთა კავშირის სპორტის ოსტატი (1974).[1][2][3]

კარიერა[რედაქტირება | წყაროს რედაქტირება]

ფეხბურთის თამაში დაიწყო 1962 წელს თბილისის 35-ე სკოლაში მწვრთნელ ვანო შუდრასთან. თამაშობდა თბილისის „ლოკომოტივში“ და რუსთავის „მეტალურგში“. 1971 წლიდან თბილისის „დინამოშია“, რომლის ძირითად შემადგენლობაში პირველად გამოვიდა 1973 წლის 2 ივლისს. გუნდთან ერთად ორჯერ — 1976 წლის საგაზაფხულო და საშემოდგომო პირველობის გათამაშების ბრინჯაოს პრიზიორი გახდა, 1977 წლის პირველობაზე — ვიცე-ჩემპიონის, ხოლო 1978 წელს — საბჭოთა კავშირის ჩემპიონის ტიტული მოიპოვა.[4] ასევე, ორჯერ იყო საბჭოთა კავშირის თასის მფლობელი — 1976 და 1979 წლებში. სულ თბილისის „დინამოს“ შემადგენლობაში უმაღლესი ლიგის საკავშირო პირველობის 133 შეხვედრაში მიიღო მონაწილეობა და სამი ბურთი გაიტანა. ამას გარდა, გოჩა მაჩაიძემ ევროპული საერთაშორისო საფეხბურთო ტურნირების ფარგლებში „დინამოს“ ღირსება ცამეტ შეხვედრაში დაიცვა, აქედან ერთი — თასების მფლობელთა თასის, ათი — უეფა-ს თასის და ორიც — ევროპის ჩემპიონთა თასის გათამაშებაში.[5]

1980 წელს გუნდის ხელმძღვანელობასთან უთანხმოების გამო მას და მის უფროს ძმას, თბილისელთა მაშინდელ კაპიტან — მანუჩარ მაჩაიძეს „დინამოს“ დატოვება მოუწიათ. იმავე წლის საფეხბურთო სეზონის დარჩენილი პერიოდი გოჩა მაჩაიძემ ლანჩხუთის „გურიაში“ გაატარა, რომელთა რიგებშიც ოცჯერ გამოვიდა მწვანე მინდორზე.

1981 წლის სეზონი მოსკოვის „სპარტაკის“ შემადგენლობაში დაიწყო, სადაც მხოლოდ ორჯერ ითამაშა, ერთხელ საბჭოთა კავშირის ჩემპიონატის კალენდარულ შეხვედრაში, ხოლო მეორედ — ევროპის ჩემპიონთა თასის 1980–1981 წლების გათამაშების მეოთხედფინალურ მატჩში მადრიდის „რეალის“ წინააღმდეგ, რომელიც თბილისში 1981 წლის 4 მარტს „დინამოს“ სტადიონზე გაიმართა.[6][7][8]

1981–1982 წლებში ქუთაისის „ტორპედოს“ შემადგენლობაშია, სადაც საბჭოთა კავშირის პირველი ლიგის 39 შეხვედრას ატარებს (ერთი გოლი) და გუნდს უმაღლესი ლიგის საგზურის მოპოვებაში ეხმარება. სათამაშო კარიერას 1982 წელს, ამავე კლუბში ასრულებს.

ტიტულები[რედაქტირება | წყაროს რედაქტირება]

საქართველოს სსრ–ის დროშა დინამო თბილისი
საბჭოთა კავშირის ჩემპიონატი
  • ჩემპიონი: 1978
  • ვიცე-ჩემპიონი: 1977
  • ბრინჯაოს პრიზიორი: 1976 (გ.), 1976 (შ.)
საბჭოთა კავშირის თასი
  • თასის მფლობელი: 1976, 1979

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ქართველი სპორტსმენები: ბიოგრაფიული ლექსიკონი — გოჩა მაჩაიძე — ბიოგრაფიული ლექსიკონი წარმოგიდგენთ როგორც საქართველოს იმ სპორტსმენთა ბიოგრაფიებს, რომლებმაც მნიშვნელოვანი წვლილი შეიტანეს ქართული სპორტის განვითარებაში; აგრეთვე იმათ, ვინც ერთი პრიზი მაინც მოიპოვეს სპორტულ შეჯიბრებებში. ბიოგრაფიული ლექსიკონი მოიცავს როგორც საერთაშორისო შეჯიბრებებში, ასევე ყოფილ საბჭოთა ჩემპიონატებსა და სპარტაკიადებში გამარჯვებულ სპორტსმენთა შესახებ ინფორმაციას. საქართველოს პარლამენტის ეროვნული ბიბლიოთეკა. nplg.gov.ge. წაკითხვის თარიღი: 3 დეკემბერი, 2018.
  2. გოჩა მაჩაიძე — პერსონალური გვერდი. თბილისის „დინამო“: გუნდის ისტორია (თარიღები, მოვლენები, ფაქტები). მაქსიმ არხიპოვი. Мачаидзе, Гоча Доментьевич — Персональная страница. «Динамо» (Тбилиси): история команды (История, статистика, факты). Максим Архипов. dinamo-tbilisi.ru. წაკითხვის თარიღი: 4 დეკემბერი, 2018.
  3. გია ტუხაშვილი (21 ივნისი, 2010). იუბილარი. გოჩა მაჩაიძე — 60 — 70-იანი წლების თბილისის "დინამო" ძმები მაჩაიძეების გარეშე ცოტა წარმოუდგენელიც იყო; უფროსი, მანუჩარი წლების განმავლობაში „დინამოს“ კაპიტანი და ერთ-ერთი ლიდერი იყო; არც გოჩა მაჩაიძე გახლდათ ურიგო ფეხბურთელი, მართლაც განსაკუთრებული უნივერსალიზმით რომ გამოირჩეოდა: ბავშვობაში ფორვარდი იყო, შემდეგ ნახევარდაცვაში თამაშობდა, კარიერის ბოლო წლებში კი უკვე განაპირა მცველად მოგვევლინა. „დინამოსთან“ ერთად გოჩა მაჩაიძე საბჭოთა კავშირის ჩემპიონი გახდა და თასს დაეუფლა, ამას გარდა არაერთი წარმატებული მატჩი ჩაატარა საერთაშორისო არენაზეც: „ლივერპულის“, „ინტერის“, „რეალის“ წინააღმდეგ. ქართული ფეხბურთის დამსახურებულ ვეტერანს დღეს იუბილე აქვს — 60 წელი შეუსრულდა! — ქართული პრესის ელექტრონული არქივი. opentext.org.ge. წაკითხვის თარიღი: 3 დეკემბერი, 2018.
  4. საბჭოთა კავშირის საფეხბურთო ჩემპიონატი — 1978 — უმაღლესი ლიგა. შემაჯამებელი ცხრილი. მაქსიმ არხიპოვი. dinamo-tbilisi.ru. წაკითხვის თარიღი: 3 დეკემბერი, 2018.
  5. Евгений Пугло (31 აგვისტო, 2005). Мачаи́дзе, Гоча Доментьевич — Еврокубковая статистика по сезонам. Все еврокубковые матчи. Клуб любителей истории и статистики футбола (КЛИСФ). წაკითხვის თარიღი: 3 დეკემბერი, 2018.
  6. Евгений Пугло; Дмитрий Никишин (15 მაისი, 2005). Кубок европейских чемпионов 1980/81. «Спартак» Москва (СССР) 0–0 «Реал» Мадрид (Испания) — Тбилиси. 4 марта 1981 года. klisf.net. წაკითხვის თარიღი: 3 დეკემბერი, 2018.
  7. Олег Кучеренко (5 მარტი, 1981). Первый раунд — ничейный — «Советский спорт» 5 марта 1981 г. „Пожалуй, лучшими для «Спартака» в этом матче были первые двадцать минут игры. Москвичи, бурно поддерживаемые зрителями до отказа заполнившими тбилисский стадион «Динамо», сразу же пошли вперед. Хорошо находят на поле друг друга Гаврилов и Г. Мачаидзе. Дважды наш защитник опасно подключается в атаку. В первом случае мяч после его удара проходит рядом со штангой, а во втором опять-таки после паса Гаврилова — Г. Мачаидзе осуществляет острый проход, но его сбивают недозволенным, приемом перед штрафной“ klisf.net. წაკითხვის თარიღი: 3 დეკემბერი, 2018.
  8. Советский Спорт (4 მარტი, 1981). Кубок европейских чемпионов 1980/81, 1/4 финала. «Спартак» Москва (СССР) 0–0 «Реал» Мадрид (Испания) — Тбилиси. 4 марта 1981 года. spartakmoskva.ru. წაკითხვის თარიღი: 3 დეკემბერი, 2018.