გიორგი შხვაცაბაია

მასალა ვიკიპედიიდან — თავისუფალი ენციკლოპედია
Oxygen480-mimetypes-signature.svg ამ სტატიას ამჟამად აქტიურად არედაქტირებს Gobrona.

გთხოვთ, ნუ შეიტანთ მასში ცვლილებებს, სანამ ეს განცხადება არ გაქრება. წინააღმდეგ შემთხვევაში, შესაძლოა, მოხდეს რედაქტირების კონფლიქტი.
ეს შეტყობინება სტატიაში მხოლოდ ერთი კვირის განმავლობაში შეიძლება დარჩეს.


თარგის ჩასმის თარიღი: ნოემბერი 19, 2022.


მიმდინარეობს სტატიის აქტიური დამუშავება.


მომხმარებლის სახელის და თარიღის ავტომატურად მისათითებლად, გამოიყენეთ თარგი {{subst:მუშავდება}}

გიორგი შხვაცაბაია
Goga2015.jpg
დაიბადა 15 აპრილი, 1940(1940-04-15) (82 წლის)
დაბადების ადგილი თბილისი

გიორგი შხვაცაბაია (დ. 15 აპრილი, 1940, თბილისი, საქართველოს სსრ) — ქართველი მოქანდაკე, საქართველოს სახალხო მხატვარი, რუსთაველისა (2018) და საქართველოს სახელმწიფო პრემიების ლაურეატი (2001), თბილისის საპატიო მოქალაქე (2001), ღირსების ორდენის კავალერი (1999),

ბიოგრაფია[რედაქტირება | წყაროს რედაქტირება]

გიორგი შხვაცაბაია, მ.მდივანი, 2008 წელი

გიორგი შხვაცაბაია დაიაბადა 1940 წლის 15 აპრილს თბილისში. მამა ცნობილი მეცნიერი და სპორტსმენი გიორგი შხვაცაბაია იყო.

1964 წელს დაამთავრა თბილისის სამხატვრო აკადემია; 1975 წელს სსრკ-ის სამხატვრო აკადემიის შემოქმედებითი სახელოსნო. იმავე წელს შექმნა ქალის შიშველი ფიგურა „ახალგაზდრობა“, რომელიც საკავშირო სამხატვრო აკადემიის ვერცხლის მედლით დაჯილდოვდა. ნაწარმოები შეისყიდა ტრეტიაკოვის გალერეამ, ხოლო ავტორი იტალიაში, შემოქმედებით მივლინებაში გაიგზავნა.

საქართველოში დაბრუნების შემდეგ შხვაცაბაია შეუდგა პორტრეტებზე მუშაობას. ქმნის ცნობილი ქართველი მოღვაწეების პორტრეტებს (ილია ჭავჭავაძე, ვაჟა-ფშაველა, ნიკოლოზ ბარათაშვილი, მირზა გელოვანი, ვერიკო ანჯაფარიძე, ევგენი მიქელაძე, ვიქტორ დოლიძე, გიორგი დანელია, გიგლა სარიშვილი, ჟიული შარტავა, მიხეილ მესხი, „ხელოვნებისმცოდნე“ და სხვა).

ფლორენციის გულმოწყალების საერთაშორისო საზოგადოებისათვის (Misercordia) შექმნა ქანდაკება „გულმოწყალება“.

1992 წლის 5 ივნისს საბერძნეთის ქალაქ ოლიმპიაში ბარსელონის ოლიმპიადის ცეცხლის დანთების ცერიმონიალის დროს საზეიმოდ გაიხსნა „მშვიდობის ჩირაღდანი“ — ბრინჯაოს ფრთოსანი ქალის ქანდაკება. ძეგლი აღიმართა ოთხას მეტრში იმ ადგილიდან, სადაც პრაქსიტელე „ჰერმესი“ დგას.

გიორგი შხვაცაბაიას ნამუშევრები წარმოდგენილია საქართველოს ხელოვნების მუზეუმში, მოსკოვის ტრეტიაკოვის გალერეაში, ამსტერდამის თანამედროვე ხელოვნების მუზეუმში, საბერძნეთში, თურქეთში, იტალიაში, ამერიკის შეერთებულ შტატებში, პოლონეთში, უზბეკეთში და კერძო კოლექციებში.

აქვს ჭედური ნამუშევრები, მუშაობს მედლის ხელოვნებაში — ორი ბრინჯაოს მედალი დაცულია ნოტრდამის მუზეუმში („მატისი“ და „Vide-Sile“).

ძირითადი ნამუშევრები[რედაქტირება | წყაროს რედაქტირება]

  • „დასვენება“ (1967)
  • „მირზა გელოვანის ძეგლი“ (ბრინჯაო, 1977)
  • „ახალგაზრდა ქალის ფიგურა“ (1975)
  • „შინმოუსვლელთა მემორიალი“ (1978)
  • „მეგობრობის ყვავილი“ (1980)
  • „ხსოვნის კედელი“ (1981)
  • „დროშები ჩქარა“ (ბრინჯაო, 1988)
  • „გალაქტიონ ტაბიძე (1989)
  • „ვერიკო ანჯაფარიძე“ (1990, მთაწმინდის პანთეონი),
  • „მშვიდობის ჩირაღდანი (1992, საბერძნეთი, ოლიმპია)
  • „Mother land“ (1997)
  • „ჟიული შარტავა“ (1997)
  • „ევგენი მიქელაძე“ (2000)
  • „Elevation" (2004)

ლიტერატურა[რედაქტირება | წყაროს რედაქტირება]

  • გიორგი შხვაცაბაია, თბილისი,1992 ISBN-89150028-4
  • გიორგი შხვაცაბაიას ოფიციალური საიტი – http://www.sculptor.ge დაარქივებული 2017-05-19 საიტზე Wayback Machine. (საიტის ავტორი ვლადიმერ გოგლიძე (Drobny2010)
  • sportstat.gov.ge

სქოლიო[რედაქტირება | წყაროს რედაქტირება]