„ბეტმენი სუპერმენის წინააღმდეგ: სამართლიანობის გარიჟრაჟი“ (ინგლ.Batman v Superman: Dawn of Justice) — 2016 წლის ამერიკული სუპერგმირული ფილმი. მასში მოთხრობილია კომპანია DC Comics-ის კომიქსების პერსონაჟების, სუპერმენის და ბეტმენის ისტორია. ფილმი ეკუთვნის DC-ის გაფართოებული სამყაროს ფილმების სერიას. მისი რეჟისორია ზაკ სნაიდერი, ხოლო მთავარი გმირების, ბეტმენის (ბრიუს უეინი) და სუპერმენის (კლარკ კენტის / კალ-ელის) როლებს ასრულებენ ბენ აფლეკი და ჰენრი კევილი. ფილმი 2016 წლის 25 მარტს კინოთეატრებში გამოვიდა, 2D, 3D, IMAX და 4DX ფორმატებში. ფილმში ასევე მონაწილეობენ DC Comics-ის სხვა სუპერგმირი პერსონაჟები: ქალი საოცრება, კიბორგი, ფლეში და აკვამენი.