არხილოსკალო

სოფელი
არხილოსკალო
ქვეყანა	საქართველო
მხარე	კახეთის მხარეკახეთის მხარე
მუნიციპალიტეტი	დედოფლისწყაროს მუნიციპალიტეტი
თემი	არხილოსკალო
შიდა დაყოფა	ქიზიყი
კოორდინატები	41°24′06″ ჩ. გ. 46°26′45″ ა. გ.
ცენტრის სიმაღლე	700 მ
ოფიციალური ენა	ქართული ენა
მოსახლეობა	980 კაცი (2014)
ეროვნული შემადგენლობა	ქართველები 99,1 %
სასაათო სარტყელი	UTC+4
სატელეფონო კოდი	+995
საფოსტო ინდექსი	1603
არხილოსკალო ვიკისაწყობში

არხილოსკალო — სოფელი აღმოსავლეთ საქართველოში, კახეთის მხარის დედოფლისწყაროს მუნიციპალიტეტში. თემის ცენტრი. მდებარეობს შირაქის ვაკეზე, ზღვის დონიდან 700 მეტრზე. დედოფლისწყაროდან დაშორებულია 35 კილომეტრით. არხილოსკალო არის ადგილობრივი მნიშვნელობის კლიმატური კურორტი.

ისტორია

1889 წელს მეფის მთავრობამ გადაწყვიტა შირაქში გადმოესახლებინა რუსები. განზრახვამ ქართველ მთიელთა დიდი გულისწყრომა გამოიწვია. საპასუხოდ მათ ყოველგვარი ნებართვის გარეშე დაიწყეს შირაქში ჩამოსახლება და დამკვიდრება. ამ გაბედული გადაწყვეტილების ინიციატორი და ორგანიზატორი იყო ვაჟა-ფშაველა, რომლის ძალისხმევითაც აღმოსავლეთ საქართველოს მთიანეთის მოსახლეობა ჯერ კიდევ 1917 წლის ოქტომბრის რევოლუციამდე სამუდამოდ დასახლდა შირაქში. შეიქმნა სოფლები: ზემო ქედი, ქვემო ქედი და არხილოსკალო.

დემოგრაფია

2014 წლის აღწერის მონაცემებით სოფელში ცხოვრობს 980 ადამიანი.

აღწერის წელი	მოსახლეობა	კაცი	ქალი
2002	2378	1187	1191
2014	980	490	490

ღირსშესანიშნაობები

სოფლის ტერიტორიაზე მდებარეობს არაერთი არქოლოგიური ძეგლი:

• არხილოსკალოს პირველი სამაროვანი — არქეოლოგიური ძეგლი;
• არხილოსკალოს მეორე სამაროვანი — არქეოლოგიური ძეგლი;
• სასანთლიანთ გორის ნამოსახლარი — არქეოლოგიური ძეგლი.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 618.

• უშვერიძე გ., ენციკლოპედია „საქართველო“, ტ. 1, თბ., 1997. — გვ. 221.