ყველაფრის გახსენება

ყველაფრის გახსენება

ყველაფრის გახსენება (ინგლ. Total Recall) — რეჟისორ პოლ ვერჰოვენის მიერ 1990 წელს გადაღებული ფანტასტიკური მებრძოლი შერონ სთოუნისა და არნოლდ შვარცნეგერის მონაწილეობით. ეს არის ფილიპ დიქის ნაწარმოების „მეხსიერების სიღრმიდან“ ეკრანიზაცია. ფილმმა ოსკარი ვიზუალური სპეცეფექტებისათვის მიიღო.

საინტერესო ფაქტები

• აშშ-ში ფილმის შემოსავლებმა $119 400 000 გადააჭარბა, სხვა ქვეყნებში კი $142 000 000.
• თავდაპირველად 80-იანი წლების შუა ხანებში ფილმი უნდა გადაეღო დევიდ კრონენბერგს.
• მთავარი როლის შემსრულებლად თავიდან ჯეფ ბრიჯესი, პატრიკ სვეიზი და რიჩარდ დრეიფუსი განიხილებოდნენ.
• ფილმი მექსიკის დედაქალაქ მეხიკოში გადაიღეს. მეტროს ცნობილი სცენაც მეხიკოშია გადაღებული, ნაწილი კი ქალაქის სამხედრო აკადემიაში.
• სცენარის თავდაპირველ ვარიანტში, ქუეიდი ბუღალტერი იყო, შემდგომ ის მშენებლად აქციეს.
• შერონ სტოუნმა ერთ-ერთ ინტერვიუში აღიარა, რომ ბოლომდე ვერ გაიგო მისი გმირი იყო თუ არა შვარცნეგერის გმირის ცოლი.