უტრეხტის პროვინცია

უტრეხტის პროვინცია
Utrecht

გერბი	დროშა
ქვეყანა	ნიდერლანდი
სტატუსი	პროვინცია
ადმინ. ცენტრი	უტრეხტი
მოსახლეობა (2006)	1,180,039 კაცი (5 ადგილი)
სიმჭიდროვე	850 კაცი/კმ²
აღმსარებლობა	პროტესტანტები 27% კათოლიკები 20%
ფართობი	1,386 კმ² (12 ადგილი)
კოდი ISO 3166-2	NL-UT
[www.provincie-utrecht.nl ოფიციალური ვებ-გვერდი]
	Utrecht (province)

უტრეხტის პროვინცია (ნიდერლ. Utrecht) — პროვინცია ცენტრალურ ნიდერლანდში. ჩრდილოეთით ესაზღვრება ემერის ტბა, აღმოსავლეთით გელდერლანდი, სამხრეთით მდინარე რაინის ხეობა, დასავლეთით სამხრეთი ჰოლანდია, ჩრდილოეთ-დასავლეთით ჩრდილოეთი ჰოლანდია. დედაქალაქი უტრეხტი.

ტერიტორიას კვეთს მდინარეები ნიდერ-რაინი, ლეკი, ვეხტი და ემი. აღმოსავლეთით შედარებით შემაღლებულ ქვიშიან ნიადაგებზე ამრავლებენ ღორსა და შინაურ ფრინველს. ამერსფორტისა და უტრეხტის სიახლოვეს განვითარებულია მებაღეობა. ტერიტორიის ჩრდილოეთ-დასავლეთ ნაწილში არის პოლდერები და ტბები, სადაც მნიშვნელოვანია მსხვილი რქოსანი საქონლის გამრავლება. პროვინციის სამხრეთ-დასავლეთით გვხვდება მდინარეული წარმოშობის თიხოვანი მიწები, რომელიც ხილის მოსაყვანად არის ათვისებული. მთავარი ქალაქებია უტრეხტი და ამერსფორტი. პროვინციის მთავარი ქალაქი უტრეხტი — არის დიდი სავაჭრო-სატრანსპოტო ცენტრი. მეტალურგიული, მანქანათსამშენებლო, ქიმიური, საფეიქრო, სამკერვალო მრეწველობა. საერთაშორისო ბაზრობების ჩატარების ადგილი.

არქიტექტურული ძელგებიდან აღსანიშნავია: სინტ-პიტერსკერკის ეკლესია და სხვ. არის უტრეხტის უნივერსიტეტი; უტრეხტში დაიდო ხელშეკრულება უტრეხტის ზავი და სამხედრო-პოლიტიკური კავშირი — უტრეხტის უნია.

იხილეთ აგრეთვე

• ნიდერლანდის პროვინციები

რესურსები ინტერნეტში

• ოფიციალური ვებ-გვერდი (ნიდერლანდური)
• უტრეხტის პროვინცია – ენციკლოპედია ბრიტანიკა (ინგლისური)