სანქტ-პელტენი

სანქტ-პელტენი
	გერბი
ქვეყანა	ავსტრია
ფედერალური მხარე	ქვემო ავსტრია
კოორდ.	48°12′00″ ჩ. გ. 15°37′00″ ა. გ. /
ფართობი	108,48 კმ²
სიმაღლე ზღვის დონიდან	267 მ
მოსახლეობა	51 956 კაცი (2011)
სიმჭიდროვე	479 კაცი/კმ²
დროის სარტყელი	UTC+1, ზაფხულში UTC+2
ტელ. კოდი	02742
საფოსტო ინდექსი	3100
ოფიციალური ვებ-გვერდი	ბმული

სანქტ-პელტენი (გერმ. Sankt Pölten) — ქალაქი ჩრდილო-აღმოსავლეთ ავსტრიაში, ქვემო ავსტრიის მხარის დედააქალაქი და უმსხვილესი ქალაქი. 2011 წლის მონაცემებით, მისი მოსახლეობა 51 956 ადამიანს შეადგენს. სანქტ-პელტენი საკუთარი სტატუსის ქალაქია და აქედან გამომდინარე, წარმოადგენს მუნიციპალიტეტსა და რაიონს.

ქალაქი მდებარეობს მდინარე ტრაიზენზე, ალპების ჩრდილოეთითა და ვახაუს სამხრეთით.

ისტორია [რედაქტირება]

სანქტ-პელტენის ბაროკოს არქიტექტურის საკათედრო ტაძარი

ქალაქის უძველესი ნაწილი უძველეს რომაულ ქალაქ აელიუმ-სეტიუმის ადგილასაა გაშენებული, რომელიც II-IV საუკუნეებში არსებობდა. 799 წელს მას ტრესიმას ეძახდნენ. 1050 წელს სანქტ-პელტენს პატარა ქალაქის სტატუსი მიენიჭა, 1159 წელს კი ქალაქი გახდა. 1494 წალმდე წარმოადგენდა პასაუს ეპარქიის ნაწილს, ამის შემდეგ კი სახელმწიფოს ნაწილი გახდა. 771 წელს დაარსდა ბენედიქტური მონასტერი. 1081 — 1784 წლებში მასპინძლობდა ავგუსტინელთა ორდენს. 1785 წელს, ამ შენობაში გახისნა სანქტ-პელტენის კათედრა. ქვემო ავსტრიის პარლამენტის 1986 წლის 10 ივლისის გადაწყვეტილებით, ქალაქმა ვენა ჩაანაცვლა და ქვემო ავსტრიის დედაქალაქის სტატუსი მიენიჭა. 1997 წლიდან, აქ ფუნქციონირებს ამ რეგიონის მთავრობა.

სახელი სანქტ-პელტენი მომდინარეობს ჰიპოლიტუსიდან.

ეკონომიკა [რედაქტირება]

2001 წლის 15 მაისის მონაცემებით, 40 041 ადამიანი მუშაობდა ქალაქის 2 711 კომპანიაში, რომელთანაგ 23 მსხვილი საწარმოა თითოეულში 200-ზე მეტი დასაქმებული ადამიანით.