რადოვან კარაჯიჩი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რადოვან კარაჯიჩი, 1994 წ.

რადოვან კარაჯიჩი (სერბ. Radovan Karadžić ან Радован Караџић, IPA: [râdovaːn kâraʤiʨ]; დ. 19 ივნისი, 1945, სრ მონტენეგრო, სფრ იუგოსლავია) — ყოფილი ბოსნიელი სერბი პოლიტიკოსი, ფსიქიატრი, ამჟამად დაპატიმრებულია სამხედრო დანაშაულებების ბრალდებით.

განათლებით ფსიქიატრმა, კარაჯიჩმა თანადააარსა ბოსნია-ჰერცეგოვინის სერბული დემოკრატიული პარტია და ბოსნიის სერბეთის რესპუბლიკის პირველი პრეზიდენტი იყო 1992-6 წლებში.

1996 წლიდან მიმალული იყო 2008 წლის ივლისამდე, საერთაშორისო ტრიბუნალის მიერ ყოფილ იუგოსლავიაში სამხედრო დანაშაულთა გამო მასზე ძიების გამოცხადების შემდეგ. მიმალვაში ყოფნისას ის ბელგრადის ერთ-ერთ კერძო კლინიკაში მუშაობდა, როგორც ალტერნატიული მედიცინისა და ფსიქოლოგიის სპეციალისტი ექიმი დრაგან დავიდ დაბიჩის სახელით. ბელგრადის პოლიციამ დააპატიმრა 2008 წლის 21 ივლისს.