კეტრინ კენტელი

მასალა ვიკიპედიიდან — თავისუფალი ენციკლოპედია
კეტრინ კენტელი

კეტრინ კენტელი კოალასთან ერთად, ბრისბანში
დაბადების სახელი კეტრინ ლუსი მერი ვორსლი
დაბადების თარიღი 22 თებერვალი, 1933 (1933-02-22) (91 წლის)
იორკშირი, ინგლისი
განათლება დედოფალი მარგარიტას სკოლა
რასტონ ჰილის სკოლა
რელიგია კათოლიკე
მეუღლე(ები) ედუარდ კენტელი (1961-დღემდე)
მშობლები მამა: უილიამ ვორსლი
დედა: ჯოის ბრანერი

კეტრინ კენტელი (დაიბადა როგორც კეტრინ ლუსი მერი ვორსლი; დ. 22 თებერვალი, 1933) — ბრიტანეთის სამეფო ოჯახის წევრი. დაქორწინებულია პრინც ედუარდზე, კენტის ჰერცოგზე, რომელიც დედოფალ ელისაბედ II-ის პირველი ბიძაშვილია.

წარსულში იყო რამდენიმე მუსიკალური გუნდის შემსრულებელი.

ადრეული ცხოვრება და განათლება[რედაქტირება | წყაროს რედაქტირება]

კეტრინ ლუსი მერი ვორსლი დაიბადა ჰოვინგჰემ ჰოლში, იორკშირში, სერ უილიამ ართინგტონ ვორსლის, ჩრდილოეთ რიდინგის ლორდ-ლეიტენანტისა და მისი მეუღლის ჯოის მორგან ბრუნერის (1895-1979) ოჯახში. მისი დედა იყო სერ ჯონ ბრუნერის, მე-2 ბარონეტის ქალიშვილი და სერ ჯონ ბრუნერის, პირველი ბარონეტის შვილიშვილი. ის ოლივერ კრომველის შთამომავალია. ვორსლი მონათლეს ყველა წმინდანის ეკლესიაში, ჰოვინგჰემში, 1933 წლის 2 აპრილს. მისი ნათლიები იყვნენ ბიძა სერ ფელიქს ბრუნერი, მე-3 ბარონეტი, მაიორი სერ დიგბი ლოუსონი, მამიდა ლედი კოლეგიტი და მარგარეტ დ'არსი ფიფი.[1]

მას 10 წლამდე ფორმალური განათლება არ ჰქონდა მიღებული.[2] სწავლობდა დედოფალ მარგარეტის სკოლაში, იორკში და რანტონ ჰილის სკოლაში, ჩრდილოეთ ნორფოლკში.[3] სკოლაში გაეცნო მუსიკას და ასწავლეს დაკვრა ფორტეპიანოზე, ორღანსა და ვიოლინოზე, რომელსაც დღესაც უკრავს. რანტონ ჰილში სწავლის ბოლო პერიოდში იგი მუსიკის მდივნად აირჩიეს და მოაწყო სასკოლო მუსიკალური პროექტები ნორვიჩში.[4] სკოლა დაამთავრა ზეპირი ფრანგულის ჩაბარებით და ინგლისურ ლიტერატურაში ძალიან კარგი შეფასებით.[5]

ჰერცოგონიამ დიდი აღფრთოვანება გამოხატა ჩელოისტი ჟაკლინ დიუ პრემისადმი დოკუმენტარულ ფილმში, Who is Jacqueline du Pré?, რომელიც გადაღებულია კრისტოფერ ნუპენის მიერ. მოგვიანებით, მუშაობდა იორკის ბავშვთა სახლში და ასევე ლონდონის საბავშვო ბაღში. მან ვერ შეძლო მუსიკის სამეფო აკადემიაში ჩაბარება, მაგრამ გაჰყვა ძმებს ოქსფორდში - სადაც ისინი ოქსფორდის უნივერსიტეტში სწავლობდნენ. ამ პერიოდში დროის დიდ ნაწილს მუსიკას უთმობდა.[6] მას ასწავლიდა სამი განსხვავებული მასწავლებელი: დირექტორი, მისის ჰუბლერი, რომელიც ასწავლიდა ფრანგულ ლიტერატურას, მხატვრობასა და ისტორიას; კულინარიას ასწავლიდა ფრანგი ქალი, ხოლო მუსიკას ვენელი ქალბატონი.[7]

ქორწინება[რედაქტირება | წყაროს რედაქტირება]

კეტრინი პრინც ედუარდს პრინც ჯორჯის და საბერძნეთისა და დანიის პრინცესა მარინას უფროს ვაჟს, მაშინ შეხვდა, როდესაც ედუარდი კატერიკის ბანაკში იმყოფებოდა.[8] ისინი 1961 წლის 8 ივნისს დაქორწინდნენ, იორკ მინსტერში.[9] ამ ადგილას ეს იყო პირველი სამეფო ქორწინება 633 წლის განმავლობაში (უკანასკნელი იყო ედუარდ III-სა და ფილიპა ენოელს შორის). პატარძლის მამა მათ თან ახლდა, ხოლო მეჯვარე იყო ედუარდის ძმა, კენტის პრინცი მაიკლი.[10] მეჯვარეებს შორის იყო პრინცესა ანაც. საქორწინო წირვა-ლოცვა აღავლინა იორკის არქიეპისკოპოსმა მაიკლ რამზიმ. სტუმრებს შორის იყვნენ: ნოელ კოვარდი და დუგლას ფეირბენკს უმცროსი, ასევე ბრიტანეთის, საბერძნეთის, დანიის, ნორვეგიის, იუგოსლავიის, რუმინეთის და ესპანეთის სამეფო ოჯახების წევრები. 273 იარდი ქსოვილი გამოიყენეს მისი თეთრი აბრეშუმის კაბის დასამზადებლად, რომელსაც ჰქონდა „მაღალი დეკოლტე და გრძელი სახელოები“, საქორწილო კაბა შექმნილია ჯონ კავანის მიერ.

წყვილს სამი შვილი ჰყავს: ჯორჯ ვინდსორი, გრაფი წმინდა ენდრიუსი (დაიბადა 1962 წლის 26 ივნისს); ლედი ჰელენ ტეილორი (დაიბადა 1964 წლის 28 აპრილს); და ლორდ ნიკოლას ვინდსორი (დაიბადა 1970 წლის 25 ივლისს).

კეტრინმა 1975 წელს აბორტი გაიკეთა გერმანული წითელას გამო, მას 1977 წელს შეეძინა მკვდარი ვაჟი, პატრიკი;[11][12] ამ დანაკარგმა იგი მძიმე დეპრესიაში ჩააგდო, რაზეც საჯაროდ ისაუბრა. ”ამან ყველაზე დამანგრეველი გავლენა მოახდინა ჩემზე”, - განუცხადა მან The Daily Telegraph-ს 1997 წელს. „წარმოდგენა არ მქონდა, რამდენად დამანგრეველი შეიძლება ყოფილიყო ასეთი რამ ნებისმიერი ქალისთვის.“[13]

სანამ მისი მეუღლე ჯარში მსახურობდა, კეტრინი ჰონგ-კონგსა და გერმანიაში ცხოვრობდა.

გვიანი წლები[რედაქტირება | წყაროს რედაქტირება]

კეტრინ კენტელი სერ უოლტერ კემპბელთან და ლედი კემპბელთან ერთად ბრისბენში, 1992 წ.

1978 წელს იგი რამდენიმე კვირით საავადმყოფოში მოათავსეს BBC-ის მოხსენებებში ნათქვამია, რომ ჰერცოგინია დაავადდა ცელიაკიით და ეპშტეინ-ბარის ვირუსით. კეტრინი დიდი ხანია, რაც საქველმოქმედო ორგანიზაციებთან და სკოლებთან თანამშრომლობს.

კენტის ჰერცოგონია Trooping the Colour-ზე, 2013 წლის ივნისი

1989 წლის დეკემბერში კეტრინი სტუმარი იყო BBC Radio 4-ის გადაცემის, Desert Island Discs-სა.[14] 1996 წელს ვინსბეკის დაწყებით სკოლაში, კინგსტონ-ჰალში გახდა მუსიკის მასწავლებელი.[15] იგი ასევე ატარებდა ფორტეპიანოს გაკვეთილებს ნაქირავებ სტუდიაში კენსინგტონის სასახლის ოფიციალურ რეზიდენციასთან ახლოს.[16] კენტის ჰერცოგინია იყო ჩრდილოეთ მუსიკის სამეფო კოლეჯის პრეზიდენტი, ხოლო 1999 წლიდან 2007 წლამდე ახალგაზრდული მუსიკის ეროვნული ფონდის დირექტორი.[17][18] 2004 წლის მარტში, კეტრინი იყო BBC One-ის Real Story-ის თემა. მან ისაუბრა მუსიკის მასწავლებლის კარიერაზე და თქვა: „[ბავშვების] სწავლება ძალიან დამაკმაყოფილებელია. ეს არის პრივილეგია. ჩემთვის მასწავლებლობა ერთ-ერთი ყველაზე საინტერესო სამუშაოა, რომლის გაკეთებაც ყველას შეუძლია.“[19] 2005 წელს კეტრინმა BBC Radio 3-ზე ინტერვიუში ისაუბრა, რომ მოსწონს რეპ მუსიკა და მომღერალი დაიდო, რომლის სიმღერაც, „Thank you“ მისი ფავორიტი მუსიკაა.[20][21] ის არის საქველმოქმედო ორგანიზაციის Making Music-ის,[22] მუსიკის საზოგადოებების ეროვნული ფედერაციის მფარველი. დააფუძნა Future Talent, საქველმოქმედო ორგანიზაცია, რომელიც ეხმარება მცირე შემოსავლის მქონე ბავშვებს მუსიკალური კარიერის შექმნაში.[23] კეტრინი მხარს უჭერს გაეროს ბავშვთა ფონდს.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ↑ „Christenings“. The Times. 3 April 1933. p. 17.
  2. ↑ The Army wife who would occasionally don a tiara. The Telegraph (19 June 1999). ციტირების თარიღი: 24 March 2018
  3. ↑ Cathcart, Helen (1971) The Duchess of Kent, First, London: W.H. Allen, გვ. 61. 
  4. ↑ Cathcart, Helen (1971) The Duchess of Kent, First, London: W.H. Allen, გვ. 67. 
  5. ↑ Cathcart, Helen (1971) The Duchess of Kent, First, London: W.H. Allen, გვ. 68. 
  6. ↑ 'Kent, Katherine, Duchess of', in Ronald Allison and Sarah Riddell, eds, The Royal Encyclopedia (Basingstoke; London: Macmillan, 1991), pp. 293–4
  7. ↑ Garner, Valerie (1991) Katharine Duchess of Kent, First, London: Weidenfeld & Nicolson, გვ. 36. ISBN 0297811754. 
  8. ↑ Engagement Of The Duke Of Kent To Miss Katharine Worsley (1961). British Pathé. YouTube (13 April 2014). ციტირების თარიღი: 15 May 2018
  9. ↑ Wedding At York Wedding Of Prince Edward. British Pathé (3 January 2010). ციტირების თარიღი: 13 March 2017
  10. ↑ Lang, Cady. (1 May 2018) The 12 Most Influential British Royal Wedding Dresses of All Time. Time. ციტირების თარიღი: 15 May 2018
  11. ↑ Carpenter, Julie. (22 February 2013) Duchess of Kent: The reluctant royal at 80 en. ციტირების თარიღი: 3 April 2020
  12. ↑ I lost my baby at nine months .. it devastated me; The Duchess of Kent reveals the stillbirth that led to a breakdown. – Free Online Library. ციტირების თარიღი: 3 April 2020
  13. ↑ „I lost my baby at nine months .. it devastated me; The Duchess of Kent reveals the stillbirth that led to a breakdown“. The Mirror. 23 December 1997. ციტირების თარიღი: 26 March 2016.
  14. ↑ HRH The Duchess of Kent. BBC Radio 4 (24 December 1989). ციტირების თარიღი: 25 May 2018
  15. ↑ „Duchess of Kent: 'my love for teaching music at Hull state primary school'“. The Daily Telegraph. 30 September 2011. დაარქივებულია ორიგინალიდან — 12 January 2022.
  16. ↑ Walker, Tim. (6 June 2012) The Queen – and Sir Cliff Richard – tempt the Duchess of Kent back into the limelight. The Telegraph. ციტირების თარიღი: 24 March 2018
  17. ↑ 1970s. Royal Northern College of Music. ციტირების თარიღი: 25 May 2018
  18. ↑ The National Foundation for Youth Music – Officers. Companies House service. ციტირების თარიღი: 25 May 2018
  19. ↑ Bruce, Fiona. (15 March 2004) A Duchess in trainers. BBC News. ციტირების თარიღი: 25 May 2018
  20. ↑ Private Passions, Katherine, Duchess of Kent. BBC radio 3 (25 August 2005). ციტირების თარიღი: 7 April 2010
  21. ↑ „Duchess's secret life as teacher“. The BBC online. 11 March 2004. ციტირების თარიღი: 7 April 2010.
  22. ↑ Helping amateur music flourish. Making Music (27 August 2015). ციტირების თარიღი: 13 March 2017
  23. ↑ Katharine Kent (Co-founder). Future Talent. დაარქივებულია ორიგინალიდან — 25 მარტი 2018. ციტირების თარიღი: 24 March 2018
მოძიებულია „https://ka.wikipedia.org/w/index.php?title=კეტრინ_კენტელი&oldid=4429085“-დან