ჯიჰანგირი (შეჰზადე)
| შეჰზადე ჯიჰანგირი | |
|---|---|
| მშობლიური სახელი | Şehzade Cihangir |
| დაბადების სახელი | ჯიჰანგირი |
| დაბადების თარიღი |
9 დეკემბერი, 1531 სტამბოლი, ოსმალეთის იმპერია |
| გარდაცვალების თარიღი |
27 ნოემბერი 1553 ალეპო |
| დაკრძალულია | შეჰზადეს მეჩეთი, სტამბოლი |
| რელიგია | ისლამი |
| მშობლები |
მამა: სულეიმან I დედა: ჰიურემ სულთანი |
შეჰზადე ჯიჰანგირი (თურქ. Şehzade Cihangir; დ. 9 დეკემბერი, 1531, სტამბოლი — გ. 27 ნოემბერი, 1553, ალეპო) — სულთან სულეიმანის და მისი კანონიერი ცოლის, ჰიურემ სულთნის უმცროსი ვაჟი[1]. სტამბოლის ერთ-ერთი რაიონი შეჰზადე ჯიჰანგირის სახელობისაა.
ბიოგრაფია[რედაქტირება | წყაროს რედაქტირება]
შეჰზადე ჯიჰანგირი დაიბადა 1531 წელს სტამბოლში. ის იყო სულეიმან დიდებულის და ჰიურემ სულთნის მეექვსე შვილი და მეხუთე ვაჟი. ტრადიციის მიხედვით ჯიჰანგირი სასახლეში აღიზარდა. შეჰზადეს ჰქონდა თანდაყოლილი ნაკლი — კუზი, ამიტომ ის არ მოიაზრებოდა ტახტის მემკვიდრედ. თუმცა ჯიჰანგირი ძალიან განათლებული იყო, გატაცებული იყო კალიგრაფიით, წერდა ლექსებს ზარიფის (თურქ. Zarîfî);) სახელით, დიდხანს საუბრობდა მამასთან. ჯიჰანგირის ფიზიკური ნაკლის და სანჯაყში არ გაგზავნის მიუხედავად, ჯიჰანგირს ჰყავდა ხარჭა. არსებობს მოსაზრება, რომ ჯიჰანგირს განსაკუთრებულად და ძალიან უყვარდა უფროსი ძმა მუსტაფა (სულეიმან I-ისა და მაჰიდევრან სულთნის შვილი). მაგრამ აღსანიშნავია ის ფაქტიც, რომ როდესაც მუსტაფა სანჯაყში წავიდა, მაშინ ჯიჰანგირი 2 წლის იყო.
სიკვდილი[რედაქტირება | წყაროს რედაქტირება]
ჯიჰანგირი 21 წლის ასაკში გარდაიცვალა ალეპოში, მუსტაფას სიკვდილით დასჯიდან რამდენიმე კვირის შემდეგ (ლეგენდა გვამცნობს, რომ ჯიჰანგირი მუსტფაზე დარდმა შეიწირა).[2] შეჰზადე ჯიჰანგირი დაკრძალეს სტამბოლში, შეჰზადეს მეჩეთში უფროსი ძმის, მეჰმედის გვერდით.
სქოლიო[რედაქტირება | წყაროს რედაქტირება]
- ↑ İsmail Hakkı Uzunçarşılı, Osmanlı Tarihi, II. cilt / İsmail Hakkı, Ankara, ISBN 975-16-0012-X.
- ↑ İskele iskele Boğaziçi, Muhsin Yaşin, Hürriyet Gazetesi
| ||||||||||||||||||
