Uncle Albert/Admiral Halsey — ინგლისელი მუსიკოს პოლ მაკ-კარტნის სიმღერა ალბომიდან Ram. იგი სინგლის სახით გამოიცა მხოლოდ აშშ-ის ტერიტორიაზე, 1971 წლის 2 აგვისტოს. ბილბორდის ცხელ 100-ეულში მან #1 პოზიციას მიაღწია.[1][2]
Uncle Albert/Admiral Halsey ძირითადად მელოდიური ფრაგმენტების კოლაჟს წარმოადგენს. აქ გამოყენებულია უამრავი ხმის ეფექტები და ჟღერს ლინდა მაკ-კარტნის ხმა.
პოლ მაკ-კარტნის თქმით, Uncle Albert დაიწერა მისი ბიძის გავლენით - ადამიანის, რომლითაც მუსიკოსი მეტად ამაყობდა. ხოლო ადმირალი ჰელზი, მისივე მტკიცებით, არის უბრალოდ ამერიკელი ადმირალების განსახიერება.