„Waterfalls“ — ინგლისელი მუსიკოს პოლ მაკ-კარტნის სიმღერა, შეტანილი მის 1980 წლის ალბომში McCartney II. იგი სინგლის სახით 1980 წლის 13 ივნისს გამოიცა და ბრიტანეთის ჩარტში #9 ადგილს იკავებდა[1][2]. თუმცა, აშშ-ში იგი იყო პოლის პირველი სიმღერა, რომელიც Billboard Hot 100-ში არ მოხვედრილა, მიუხედავად წინა სინგლის "Coming Up" წარმატებისა[3]. ისევე, როგორც ალბომის სხვა სიმღერები, კომპოზიცია იცავს მინიმალისტურ სტილს. პოლი მასში მხოლოდ Fender Rhodes-ის ელექტრონულ ფორტეპიანოზე და სინთეზატორზე უკრავს, აგრეთვე მღერის.
2013 წელს Rolling Stone-მა „Waterfalls“ დაასახელა მაკ-კარტნის რიგით #25 საუკეთესო სიმღერად, რომელიც The Beatles-ის შემდეგ ჩაიწერა.[4][5]