სიმღერის ძირითადი ავტორი ჯონ ლენონია. ძირითადად, მისი იდეა ეფუძნება XIX საუკუნის საცირკო პოსტერს (პაბლო ფანკის ცირკისათვის) რომელიც მან 1967 წლის 31 იანვარს შეიძინა - იმ დღეს, როდესაც იღებდნენ სიმღერის Strawberry Fields Forever პრომო-ფილმს. ლენონის თქმით, სიმღერის ტექსტში გამოყენებული ყველაფერი, რაც იმ პოსტერზე წერია, გარდა ცხენის სახელისა - მას ჰენრი არ ერქვა (პოსტერზე ცხენი ნახსენებია, როგორც ’ზანთუსი’). მისტერ კაიტი სავარაუდოდ, უნდა ყოფილიყო უილიამ კაიტი, პაბლო ფანკის ცირკის თანამშრომელი.