ტიგრაის რეგიონი

მასალა ვიკიპედიიდან — თავისუფალი ენციკლოპედია
Jump to navigation Jump to search
ტიგრაის რეგიონი
ამჰ. ትግራይ ክልል
Tigray, Ethiopia (8205210356).jpg
დროშა
Flag of the Tigray Region.svg

ქვეყანა ეთიოპიის დროშა ეთიოპია
ადმ. ცენტრი მეკელე
კოორდინატები 14°08′12″ ჩ. გ. 38°18′34″ ა. გ. / 14.13667° ჩ. გ. 38.30944° ა. გ. / 14.13667; 38.30944
ფართობი 41 409,95 კმ²
ოფიციალური ენა Tigrinya
მოსახლეობა 4 960 003 კაცი (2014)
სიმჭიდროვე 119,78 კაცი/კმ²
სასაათო სარტყელი [[UTCUTC+3]]
ISO 3166 კოდი ET-TI
Tigray in Ethiopia.svg

ტიგრაის რეგიონი (ამჰ. ትግራይ ክልል) — ეთიოპიის რეგიონი. ადრე ცნობილი იყო როგორც რეგიონი 1. მისი დედაქალაქია — ქალაქი მეკელე. მოსახლეობა — 4 960 003 ადამიანი[1] (2014 წელი), ფართობი — 41 409,95 კმ²[2]. ჩრდილოეთიდან ესაზღვრება ერიტრეა, დასავლეთიდან სუდანი, აღმოსავლეთიდან — აფარის რეგიონი და სამხრეთიდან — ამჰარის რეგიონი.

ადმინისტრაციულ ცენტრ ქალაქ მეკელეს გარდა, სხვა მსხვილი ქალაქებია: ადი-გრატი, ადუა და აქსუმი.

მოსახლეობა[რედაქტირება | წყაროს რედაქტირება]

2007 წლის მონაცემებით რეგიონის მოსახლეობა შეადგენს 4 314 456 ადამიანს, ქალაქის მოსახლეობა შეადგენს — 19,53 %-ს. მოსახლეობის საშუალო სიმჭიდროვეა 50,54 ად./კმ². რეგიონში აღრიცხულია 985 654 ცალკეული მეურნეობა, ასე რომ, საშუალოდ 4,4 ადამიანი მოდის ერთ მეურნეობაზე (3,4 ადამიანი ქალაქის მოსახლეობაში და 4,6 ადამიანი — სოფლის). მოსახლეობის დაახლოებით 96,55 % მიეკუთვნება ტიგრაის ხალხს. სხვა ეთნიკური ჯგუფებია: ამჰარები — 1,63 %, ირობები — 0,71 %, აფარელები — 0,29 %, ორომოები — 0,17 % და სხვა. დღეისათვის ტიგრინიული ენა ყველაზე უფრო გავრცელებული ენაა რეგიონში, რაც შეადგენს რეგიონის მოსახლეობის სალაპარაკო ენის 96 %-ზე მეტს. მოსახლეობის 95,6 % — მართლმადიდებელი ქრისტიანია, 4 % — მუსლიმი, 0,4 % — კათოლიკე და 0,1 % — პროტესტანტია.

1994 წლის აღწერის მონაცემებით რეგიონის მოსახლეობა შეადგენდა 3 136 267 ადამიანს, საიდანაც 1 542 165 იყო მამაკაცი და 1 594 102 ქალი; ქალაქის მოსახლეობა იყო დაახლოებით 621 210 ადამიანი (14 %).

CSA-ს 2004 წლის მონაცემებით, მოსახლეობის მხოლოდ დაახლოებით 53,99 %-ს აქვს შესაძლებლობა ისარგებლოს სუფთა სასმელი წყლით. განათლების დონე შეადგენს 67,5 %-ს მამაკაცებისათვის და 33,7 %-ს ქალებისათვის. ბავშვთა სიკვდილიანობა შეადგენს — 67 ბავშვს 1000 დაბადებულზე (რაც, ქვეყნის საშუალოზე მაჩვენებელზე დაბალია — 77 ბავშვი 1000 დაბადებულზე).

ადმინისტრაციული დაყოფა[რედაქტირება | წყაროს რედაქტირება]

სოფლის მეურნეობა[რედაქტირება | წყაროს რედაქტირება]

2005 წლის მონაცემებით რეგიონში არსებობს 2 713 750 სული მსხვილი რქოსანი საქონელი (ეთიოპიის საერთო რაოდენობის 7 %), 72 640 ცხვარი, 208 970 თხა, 1200 ცხენი, 9190 ჯორი, 386 600 ვირი, 32 650 აქლემი.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Federal Demographic Republic of Ethiopia Central Statistical Agency – Population Projection of Ethiopia for All Regions At Wereda Level from 2014 – 2017. 2014 Population and Housing Census of Ethiopia. CSA (2014). წაკითხვის თარიღი: 1 October 2014.
  2. 2011 National Statistics