გამბელის რეგიონი
| რეგიონი | |||
|---|---|---|---|
|
გამბელის რეგიონი ამჰ. ጋምቤላ | |||
 | |||
| |||
| ქვეყანა |
 ეთიოპია | ||
| ადმ. ცენტრი | გამბელა | ||
| კოორდინატები | 7°37′06″ ჩ. გ. 34°41′22″ ა. გ. / 7.61833° ჩ. გ. 34.68944° ა. გ. | ||
| ფართობი | 29 782,82 კმ² | ||
| ოფიციალური ენა | ამჰარული ენა | ||
| მოსახლეობა | 396 000 კაცი (2014) | ||
| სიმჭიდროვე | 13,30 კაცი/კმ² | ||
| სასაათო სარტყელი | [[UTCUTC+3]] | ||
 | |||
გამბელის რეგიონი (ამჰ. ጋምቤላ) — ეთიოპიის რეგიონი. მისი დედაქალაქია გამბელა. ადრე მისი სახელი იყო რეგიონი 12. მოსახლეობა — 396 000 ადამიანი[1] (2014 წელი), ფართობი — 29 782,82 კმ²[2]. მდებარეობს ქვეყნის დასავლეთ ნაწილში, სამხრეთი სუდანის საზღვართან. რეგიონს ესაზღვრება ორომიის რეგიონი და სამხრეთის ერების, ეროვნებების და ხალხების რეგიონი.
რეგიონში მდებარეობს გამბელის ეროვნული პარკი, რომელიც 5061 კმ²-ზეა გადაჭიმული და რეგიონის 19,6 %-ს შეადგენს.
გეოგრაფია
[რედაქტირება | წყაროს რედაქტირება]გეოგრაფიული პირობები და კლიმატი ედრება მეზობელი სამხრეთ სუდანისას და განსხვავდება დანარჩენი ეთიოპიისგან. თითქმის მთელი ტერიტორია დაფარულია მუსონური ტროპიკული ტყეებით. კლიმატი ნოტიოა, გვალვიანი სეზონების გარეშე.
მოსახლეობა
[რედაქტირება | წყაროს რედაქტირება]2007 წლის მონაცემებით რეგიონის მოსახლეობა შეადგენს 306 916 ადამიანს, ქალაქის მოსახლეობა შეადგენს — 25,37 %-ს. მოსახლეობის საშუალო სიმჭიდროვეა — 10,31 ად./კმ². რეგიონში აღრიცხულია 65 445 ცალკეული მეურნეობა, ასე რომ, საშუალოდ 4,6 ადამიანი მოდის ერთ მეურნეობაზე. ძირითადი ეთნიკური ჯგუფებია: ნუერი — 46,65 %, ანუაკი — 21,17 %, ამჰარები — 8,42 %, კაფიჩო — 5 %, ორომოები — 4,83 %, კამბატა — 1,44 % და სხვა. ძირითადი ენებია: ნუერი — 48,35 %, ანუაკი — 22,02 %, ამჰარული — 11,11 %, ორომოს ენა — 4,85 %, კაფა — 4,65 %, შაკაჩო — 2,48 %, კამბატა — 1,47 % და ტიგრინიული ენა — 1,32 %. რეგიონის მთელი მოსახლეობის 70 % — პროტესტანტია; 16,8 % — მართლმადიდებელი ქრისტიანი; 4,9 % — მუსლიმი; 3,4 % — კათოლიკე; მოსახლეობის დაახლოებით 3,8 % მიეკუთვნება ტრადიციულ აფრიკულ რელიგიებს.
1994 წლის აღწერის მონაცემებით რეგიონის მოსახლეობა შეადგენს 181 862 ადამიანს, ქალაქის მოსახლეობა — 15,08 %. ცხოვრების დონე საკმაოდ დაბალია. განათლების დონე შეადგენს 57,5 %-ს მამაკაცებში და 22,8 %-ს ქალებში. ბავშვთა სიკვდილიანობა შეადგენს 92 ბავშვს 1000 დაბადებულიდან (რაც, ქვეყნის საშუალოზე მაჩვენებელზე მაღალია — 77 ბავშვი 1000 დაბადებულზე).
ადმინისტრაციული დაყოფა
[რედაქტირება | წყაროს რედაქტირება]რეგიონი დაყოფილია 3 ადმინისტრაციულ ზონად.
- ადმინისტრაციული ზონა 1 (Administrative Zone 1)
- ადმინისტრაციული ზონა 2 (Administrative Zone 2)
- ადმინისტრაციული ზონა 3 (Administrative Zone 3)
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- "The Current Situation in Gambella"
- Map of Gambela Region at UN-OCHA (PDF ფაილი)
- Map of the Gambela Region at the Disaster Prevention and Preparedness Agency (DPPA) of Ethiopia დაარქივებული 2007-09-27 საიტზე Wayback Machine. (PDF ფაილი)
სქოლიო
[რედაქტირება | წყაროს რედაქტირება]- ↑ Federal Demographic Republic of Ethiopia Central Statistical Agency – Population Projection of Ethiopia for All Regions At Wereda Level from 2014 – 2017. 2014 Population and Housing Census of Ethiopia. CSA (2014). დაარქივებულია ორიგინალიდან — 17 ოქტომბერი 2015. ციტირების თარიღი: 1 October 2014.
- ↑ 2011 National Statistics. დაარქივებულია ორიგინალიდან — 2015-09-23. ციტირების თარიღი: 2015-10-03.
| ||||||||||
