ლაშა მალაღურაძე (დ. 2 იანვარი, 1986 წელი, თბილისი, საქართველო) — საქართველოს მორაგბეთა ეროვნული ნაკრების მორაგბე. თამაშობს ცენტრის პოზიციაზე. ლაშას პირველი გუნდი იყო „ყოჩები“, 2007 წელს ამ კლუბთან ერთად საქართველოს პირველობაც მოიპოვა. მოგვიანებით მალაღურაძე საფრანგეთში გადავიდა, სადაც არაერთ კლუბში მოუწია თამაში. 2011 და 2015 წლის რაგბის მსოფლიო ჩემპიონატებზე ლაშა საქართველოს ნაკრების ძირითად შემადგენლობაში იყო.
