ზუბი (ცაგერის მუნიციპალიტეტი)

სოფელი
ზუბი
ქვეყანა	საქართველო
მხარე	რაჭა-ლეჩხუმისა და ქვემო სვანეთის მხარერაჭა-ლეჩხუმისა და ქვემო სვანეთის მხარე
მუნიციპალიტეტი	ცაგერის მუნიციპალიტეტი
თემი	ზუბი
კოორდინატები	42°34′01″ ჩ. გ. 42°40′21″ ა. გ.
ცენტრის სიმაღლე	640 მ
მოსახლეობა	471 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

ზუბი — სოფელი დასავლეთ საქართველოში, ცაგერის მუნიციპალიტეტის ზუბის ადმინისტრაციულ ერთეულში (რაჭა-ლეჩხუმისა და ქვემო სვანეთის მხარე).

მდებარეობს მდინარე ცხენისწყლის მარჯვენა მხარეს, ცაგერი-ქუთაისის საავტომობილო გზაზე, ზღვის დონიდან 640 მ-ზე. ცაგერიდან დაშორებულია 13 კმ-ით. ზუბი ერთ-ერთია იმ რამდენიმე სოფლიდან, სადაც მოდის ვაზის ჯიში უსახელოური.

ისტორია

ზუბი წყაროებში პირველად მოხსენიებულია XVII საუკუნეში. სოფლის მიდამოებში შემორჩენილია შუა საუკუნეების ზუბის ციხის ნანგრევები. ზუბის ჩრდილოეთით, დაახლ. 4,5 კმ-ზე მდებარეობს ნამარნევის ეკლესია (აგებულია 1822 წელს).

სოფლის ტერიტორიაზე, მდინარე ცხენისწყლის მარჯვენა ნაპირზე, შემთხვევითაა აღმოჩენილი შუა ბრინჯაოს ხანის შავპრიალა თიხის დაბალი, სამყურიანი ჭურჭელი და ელინური ხანის ბრინჯაოს 2 სამაჯური. მასალა ინახება ცაგერის მხარეთმცოდნეობის მუზეუმში.

დემოგრაფია

2014 წლის აღწერის მონაცემებით სოფელში ცხოვრობს 471 ადამიანი.

აღწერის წელი	მოსახლეობა	კაცი	ქალი
2002	630	318	312
2014	471	234	237

ლიტერატურა

• სულავა ნ., ენციკლოპედია „საქართველო“, ტ. 3, თბ., 2014. — გვ. 391.

• ქართული საბჭოთა ენციკლოპედია, ტ. 4, თბ., 1979. — გვ. 540.