ვერნერ ფონ ფრიჩი

ვერნერ ფონ ფრიჩი
დაბადების თარიღი	4 აგვისტო, 1880(1880-08-04)
დაბადების ადგილი	Benrath
გარდაცვალების თარიღი	22 სექტემბერი, 1939(1939-09-22) (59 წლის)
გარდაცვალების ადგილი	Praga
ჯარის სახეობა	სახმელეთო ჯარები
წოდება	Generaloberst
ბრძოლები/ომები	პირველი მსოფლიო ომი, მეორე მსოფლიო ომი და პოლონეთში შეჭრა
ჯილდოები	ორდენი „დამსახურებისათვის“, Military Merit Cross III. Class, წითელი არწივის მე-4 ხარისხის ორდენი, Knights 1st class of the Friedrich Order, ნაციონალ-სოციალისტური პარტიის ოქროს პარტიული ნიშანი, რკინის ჯვარი, Military Merit Order (Bavaria), Hanseatic Cross, ფრიდრიხის ორდენი, Knight 2nd Class of the Order of Philip the Magnanimous , Order of Saint John (Bailiwick of Brandenburg), Wehrmacht Long Service Award, Military Merit Cross და Gallipoli Star

ბარონი ვერნერ ფონ ფრიჩი (გერმ. Werner Freiherr von Fritsch; დ. 4 აგვისტო, 1880, ბენრათი, გერმანია — გ. 22 სექტემბერი, 1939, ვარშავა, პოლონეთი) — გერმანელი სამხედრო მოღვაწე, გერმანიის საიმპერატორო კარის, რაიხსვერის და ვერმახტის ოფიცერი, გენერალ-პოლკოვნიკი.

ბიოგრაფია

• 1880 — 4 აგვისტო: გენერალ-ლეიტენანტ გეორგ ბარონ ფონ ფრიჩს და მის მეუღლეს ადელჰაიდს (დაბ. ფონ ბოდელშვინგი; გერმ. von Bodelschwingh) შეეძინათ ვაჟი ვერნერი.

• 1898 — ბარონი ფონ ფრიჩი შევიდა პრუსიულ საარტილერიო პოლკში.

• 1900 — მიენიჭა ლეიტენანტის სამხედრო წოდება.

• 1907-1910 — სწავლობდა ბერლინის სამხედრო აკადემიაში.

• 1913 — გადაყვანილ იქნა დიდ გენერალურ შტაბში.

• 1914-1918 — პირველი მსოფლიო ომის განმავლობაში იგი მსახურობდა სხვადასხვა თანამდებობებზე გენერალურ შტაბის ოფიცრად.

• 1919 — ომის დამთავრების შემდეგ შევიდა ახლად დაარსებულ რაიხსვერში და მსახურობდა რაიხსვერის მთავარსარდალ ჰანს ფონ ზეექტთან. მონაწილეობას იღებს არმიის ახლად ჩამოყალიბების საქმეში.

• 1922 — მიენიჭა ობერლეიტენანტის წოდება და გადაყვანილ იქნა ულმში განყოფილების უფროსის თანამდებობაზე.

• 1927 — ვერნერ ფონ ფრიჩი დაინიშნა შეიარაღებული ძალების სახმელეთო ჯარების განყოფილების უფროსის თანამდებობაზე.

• 1932 — დაინიშნა „III სამხედრო ოლქის“ (ბერლინი) მთავარსარდლად.

• 1934 — მიენიჭა გენერლის სამხედრო წოდება და პაულ ფონ ჰინდენბურგმა იგი სახმელეთო ჯარების უფროსად დანიშნა. ფრიჩი ხელმძღვანელობდა არმიის შეიარაღების და მოდერნიზების საქმიანობას.

• 1936 — მიენიჭა გენერალ-პოლკოვნიკის სამხედრო წოდება.

• 1937 — 5 ნოემბერი: ადოლფ ჰიტლერის მიერ შემოთავაზებულ სამხედრო გეგმას ბარონი ფონ ფრიჩი და ვერმახტის გენერლები კრიტიკით შეხვდნენ. ეს იყო პროფესიონალური კრიტიკა.

• 1938 — იანვარი: ვერნერ ფონ ბლომბერგის კომპლოტის დროს ჰიტლერმა ფრიჩის ჩამოცილების და არმიის მთავარსარდლის პოსტის ხელში ჩაგდების საშუალება დაინახა. გიორინგისა და ჰაიდრიხის შეთითხნილი საბუთებით ვერნერ ბარონ ფონ ფრიჩს ბრალი დასდეს ჰომოსექსუალიზმში და ვერმახტის რიგებიდან გარიცხეს. 4 თებერვალი: ფრიჩი გადაყენებულ იქნა სახმელეთო ჯარების მთავარსარდლის თანამდებობიდან. მარტი: სამხედრო სასამრთლომ ბარონი ფონ ფრიჩი ყველა ბრალდებიდან გაათავისუფლა და ვალთერ ფონ ბრაუხიჩის ზეწოლის შემდეგ იგი დაინიშნა საარტილერიო პოლკის მეთაურად.

• 1939 — მეორე მსოფლიო ომის დასაწყისისთანავე იგი მონაწილეობდა პოლონეთის კამპანიაში და 22 სექტემბერს ვარსავასთან ბრძოლაში დაეცა. თვითმხილველთა სიტყვებით იგი ბრძოლაში სიკვდილს ეძებდა.