დაუგავპილსი (ლატვ.Daugavpils, ლიტვ.Daugpilis, გერმ.Dünaburg, პოლ.Dyneburg, Dźwińsk, Dźwinów, ბელარ. Даўгаўпілс, წინათ Дзвiнск , იდიშ.דענענבורג (Дененбург), ფინ. Väinänlinna) — ქალაქი ლატვიაში, სიდიდითა და მნიშვნელობით მეორე ქალაქი ქვეყანაში რიგის შემდეგ. მდებარეობს მდინარედაუგავას სანაპიროზე, ლიტვისა და ბელორუსის საზღვართან.
დაუგავპილსი ლატვიის აღმოსავლეთ პროვინციის — ლატგალიის უდიდესი ქალაქი, მისი კულტურული, საგანმანათლებლო და სამრეწველო ცენტრია, ასევე დაუგავპილსის მხარის ადმინისტრაციული ცენტრია. წარმოადგენს მნიშვნელოვან სარკინგზო კვანძს, მოსახლეობა ეთნიკურად საკმაოდ მრავალფეროვანია. ისტორიულ წყაროებში ქალაქი პირველად 1275 წელსაა ნახსენები.
