ონის მუნიციპალიტეტი

ონის მუნიციპალიტეტი
	ონის მუნიციპალიტეტი
ადმინისტრაციული ცენტრი	ონი
რეგიონი	რაჭა-ლეჩხუმისა და ქვემო სვანეთის მხარე
დეპუტატი პარლამენტში	გიორგი ჭელიძე
სიმჭიდროვე	5.4 კაცი/კმ²
ფართობი	1712 კმ²
მოსახლეობის რაოდენობა	8.372 კაცი (2006 წელი)
ეროვნება	ქართველები 98%; ოსები 1.5%; რუსები 0.2%; აზერბაიჯანელები 0.1%; სომხები 0.1%
	↑ მოსახლეობის სიმჭიდროვე 1კმ²-ზე 2002 წლის აღწერის მიხედვით.; ↑ საქსტატის 2002 წლის სოფლის მოსახლეობის აღწერის მონაცემები.;

ონის მუნიციპალიტეტი — ადმინისტრაციულ-ტერიტორიული ერთეული რაჭა-ლეჩხუმის და ქვემო სვანეთის მხარეში. 1917 წლამდე ახლანდელი ონის მუნიციპალიტეტის ტერიტორია შედიოდა ქუთაისის გუბერნიის რაჭის მაზრაში, 1917 წლიდან 1928 წლამდე — რაჭის მაზრაში, 1929 წლიდან — რაჭა-ლეჩხუმის მაზრაში, 1930 წლის მარტის ადმინისტრაციული-ტერიტორიული დაყოფით — ქუთაისის ოლქში, 1930 წლის ოქტომბრიდან — იყო დამოუკიდებელი რაიონი. 1963-1964 წლებში შედიოდა ამბროლაურის რაიონში. 1965 წლიდან გამოიყო დღევანდელი საზღვრებით და იყო დამოუკიდებელი რაიონი. ონის მუნიციპალიტეტს აღმოსავლეთით ეკვრის ჯავის, დასავლეთით ამბროლაურისა და ლენტეხის, სამხრეთით საჩხერის მუნიციპალიტეტები, ჩრდილოეთით ყაბარდო-ბალყარეთისა და ჩრდილოეთი ოსეთის რესპუბლიკები. ფართობი 1326,3 კმ². ცენტრი ქალაქი ონი. მუნიციპალიტეტში 1 ქალაქი და 65 სოფელია.