კუტნა-ჰორა
|
ქალაქი
კუტნა-ჰორა
Kutná Hora
|
კუტნა-ჰორა (ჩეხ. Kutná Hora; გერმ. Kuttenberg) — ქალაქი ჩეხეთის რესპუბლიკაში, ცენტრალური ბოჰემიის რეგიონში.
ქალაქის ისტორია 1142 წლიდან იწყება, როდესაც აქ ცისტერიანელთა მონასტრის დასახლებები გამოჩნდა. 1260 წელს, მიმდებარე მთიან რეგიონში, რომელიც მონასტრის საკუთრებას წარმოადგენდა, დაიწყო ვერცხლის მოპოვებითი სამუშაოები. არეალს კუტენბერგს უწოდებდნენ. XIII საუკუნეში, მაღაროების წყალობით მონასტერი დიდად დაწინაურდა, რაც ეკონომიკური ბუმის პროცესში ვერცხლის უდიდესი მნიშვნელობით იყო გამოწვეული.
აღმოჩენილი ყველაზე ადრეული ვერცხლის ნაკვალევები X საუკუნით თარიღდება, როცა ბოჰემია უკვე ჩართული იყო დიდი მანძილის სავაჭრო გზებში. ქალაქის თანამედროვე ნაწილში აღმოაჩინეს 982-995 წლების ვერცხლის დინარები.
XIII - XVI საუკუნეებში, კუტნა-ჰორა პრაღას ეკონომიკის, კულტურისა და პოლიტიკის სფეროებში ეჯიბრებოდა. 1995 წლიდან, ქალაქის ცენტრალური ნაწილი შესულია იუნესკოს მსოფლიო მემკვიდრეობის ძეგლთა სიაში.
რესურსები ინტერნეტში [რედაქტირება]
 |
მსოფლიო მემკვიდრეობა UNESCO, ობიექტი № 732 რუს. • ინგლ. • ფრ. |
|
|||||||
