კოლხეთის ტროპიკული ტყეები და ჭაობები

კოლხეთის ტროპიკული ტყეები და ჭაობები*
იუნესკოს მსოფლიო მემკვიდრეობის ძეგლი
კოლხეთის ეროვნული პარკი
ქვეყანა	საქართველო
ტიპი	ბუნებრივი
კრიტერიუმები	ix, x
სია	[1]
რეგიონი**	ევროპა
კოორდინატები	41°42′08″ ჩ. გ. 41°57′04″ ა. გ.
გაწევრიანების ისტორია
გაწევრიანება	2021  (44-ე სესია)
ნომერი	1616
* იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი.

მსოფლიო მემკვიდრეობა UNESCO, ობიექტი № 1616 ინგლ. • რუს. • ფრ.

კოლხეთის ტროპიკული ტყეები და ჭაობები — იუნესკოს მსოფლიო მემკვიდრეობის ძეგლი საქართველოში. შედგება ორი ეროვნული პარკისა და ორი დაცული ტერიტორიის სულ შვიდი კომპონენტისაგან. კოლხეთის ტროპიკული ტყეები და ჭაობები გადაჭიმულია შავი ზღვის ზომიერად თბილი და ნოტიო აღმოსავლეთ სანაპიროს 80 კილომეტრის მანძილზე.

ისტორია

2007 წლის 24 ოქტომბრიდან კოლხეთის ეკოსისტემა შეტანილი იყო იუნესკოს მსოფლიო მემკვიდრეობის საცდელ სიაში, ხოლო 2021 წლის 26 ივლისს გახდა იუნესკოს მსოფლიო მემკვიდრეობის ძეგლი კოლხეთის ტროპიკული ტყეები და ჭაობების სახელით.

ძირითადი მიზეზი, რის გამოც კოლხეთის ტროპიკული ტყეები და ჭაობები იუნესკოს მსოფლიო მემკვიდრეობის ძეგლი გახდა არის ის, რომ კოლხეთის დაბლობი ლეფუგიუმია, ანუ ტერიტორია, სადაც რომელიღაც უძველესი სახეობა არახელსაყრელ გეოლოგიურ პერიოდში გადარჩა და დღესაც შემორჩენილია. კოლხეთის დაბლობზე ის მცენარეებია გადარჩენილი, რომლებიც ჯერ კიდევ გამყინვარების პერიოდამდე არსებობდა.

კოლხეთის ტროპიკულ ტყეებსა და ჭაობებში ცხოვრობს გადაშენების პირას მდგარი მცენარეების 44 სახეობა და ცხოველების 19 სახეობა, მათ შორის აღსანიშნავია კოლხური ზუთხი. ადგილი წარმოადგენს გლობალურად გადაშენების საფრთხის წინაშე მყოფი ფრინველების უმნიშვნელოვანეს ადგილს, რომლებიც მიგრირებენ ბათუმის ვიწრო ბილიკებზე.

კომპონენტები

კოლხეთის ტროპიკული ტყეები და ჭაობების შემადგენლობაში შედის საქართველოს 4 დაცული ტერიტორიის (მტირალასა და კოლხეთის ეროვნული პარკები, კინტრიშისა და ქობულეთის დაცული ტერიტორიები) შვიდი კომპონენტი (კინტრიში-მტირალა, ისპანი, გრიგოლეთი, იმნათი, ფიჩორი, ნაბადა, ჭურია). ქვემოთ წარმოდგენილია კომპონენტების ცხრილი, კომპონენტები დალაგებულია სამხრეთიდან ჩრდილოეთის მიმართულებით.

ID	კომპონენტი	დაცული ტერიტორია	რეგიონი	ფოტო	კოორდინატები	ფართობი (ჰა)	ბუფერული ზონა (ჰა)
1616-001	კინტრიში-მტირალა	მტირალას ეროვნული პარკი	აჭარის ავტონომიური რესპუბლიკა		41°42′08″ ჩ. გ. 41°57′04″ ა. გ.	20 150	9 140
1616-002	ისპანი	ქობულეთის დაცული ტერიტორიები	აჭარის ავტონომიური რესპუბლიკა		41°51′43″ ჩ. გ. 41°48′05″ ა. გ.	248	531
1616-003	გრიგოლეთი	კოლხეთის ეროვნული პარკი	გურიის მხარე		42°03′11″ ჩ. გ. 41°44′20″ ა. გ.	125	328
1616-004	იმნათი	კოლხეთის ეროვნული პარკი	გურიის მხარე		42°20′15″ ჩ. გ. 41°36′41″ ა. გ.	3,418	13,386
1616-005	ფიჩორი	კოლხეთის ეროვნული პარკი	გურიის მხარე		42°10′52″ ჩ. გ. 41°48′36″ ა. გ.	2 393
1616-006	ნაბადა	კოლხეთის ეროვნული პარკი	სამეგრელო-ზემო სვანეთის მხარე		42°14′27″ ჩ. გ. 41°39′57″ ა. გ.	2 976	2 586
1616-007	ჭურია	კოლხეთის ეროვნული პარკი	სამეგრელო-ზემო სვანეთის მხარე		42°17′58″ ჩ. გ. 41°39′44″ ა. გ.	1 943	879

იხილეთ აგრეთვე

• იუნესკოს მსოფლიო მემკვიდრეობის ძეგლები საქართველოში
• მსოფლიო მემკვიდრეობის ძეგლების სია დამატების წლების მიხედვით