ჯეიმზ II (შოტლანდია)

ჯეიმზ II
James II
შოტლანდიის მეფე
კორონაცია:	25 მარტი, 1437
მმართ. დასაწყისი:	21 თებერვალი, 1437
მმართ. დასასრული:	3 აგვისტო, 1460
წინამორბედი:	ჯეიმზ I
მემკვიდრე:	ჯეიმზ III
პირადი ცხოვრება
დაბ. თარიღი:	16 ოქტომბერი, 1430
დაბ. ადგილი:	ედინბურგი, შოტლანდია
გარდ. თარიღი:	3 აგვისტო, 1460
გარდ. ადგილი:	როქსბურგის სასახლე, შოტლანდია
მეუღლე:	მარია გელდერნელი
შვილები:	ჯეიმზ III, მერი ალექსანდრი, დეივიდი ჯონი, მარგარეტი
დინასტია:	სტიუარტები
მამა:	ჯეიმზ I
დედა:	ჯოან ბეფორტი
რელიგია:	კათოლიციზმი
ჯეიმზ II ვიკისაწყობში

ჯეიმზ II (ინგლ. James II; დ. 16 ოქტომბერი, 1430, ედინბურგი — გ. 3 აგვისტო, 1460, როქსბურგის სასახლე) — შოტლანდიის მეფე სტიუარტების დინაასტიიდან. მეფობდა 1437-1460 წლებში, ჯეიმზ I-ისა და ჯოან ბოფორის შვილი.

ჯეიმზ II დაიბადა 1430 წელს. მას ჰყავდა ტყუპისცალი ალექსანდერი. ტახტის ორი მემკვიდრის ყოლას შესაძლოა, ქვეყანაში არეულობა გამოეწვია, მაგრამ ალექსანდერი მალევე გარდაიცვალა და პრინცი ჯეიმზი როთსეის ჰერცოგი და მამის ტახტის ერთადერთი მემკვიდრე გახდა.

ჯეიმზ I 1437 წელს გარდაიცვალა და ტახტი 7 წლის ჯეიმზმა დაიკავა. ჯეიმზი არასრულწოვანი იყო, აქედან გამომდინარე, პარლამენტმა გადაწყვიტა, რომ ის მხოლოდ ფორმალურად იქნებოდა შოტლანდიის მეფე და მხოლოდ მაშინ აიღებდა ძალაუფლების ხელში, როდესაც თვრამეტი წელი შეუსრულდებოდა. ჯეიმზი კი დედასთან და დებთან ერთად დუნბარის სასახლეში ცხოვრობდა 1439 წლამდე.

1449 წელს მეფე სრულწლოვანი გახდა და ძალაუფლება ხელში აიღო. ის ამავე წელს დაქორწინდა მარი გელდერელზე, რომელთანაც შვიდი შვილი შეეძინა.

ჯეიმზ II ხელს უწყობდა შოტლანდიაში სასწავლებლების დაარსებას. მისი მმართველობის პერიოდში საფუძველი ჩაეყარა გლაზგოს სასწავლებელს. ჯეიმზ II უბედური შემთხვევის შედეგად გარდაიცვალა როქსბურგის სასახლის ალყის დროს, 1460 წლის 3 აგვისტოს, როდესაც ცდილობდა გაესროლა ქვემეხი, ის კი აფეთქდა და შეიწირა 29 წლის მეფის სიცოცხლე. მისი გარდაცვალების შემდეგ, შოტლანდიაში ჯეიმზ III გამეფდა.

ლიტერატურა

• Colvin, H. M.; Brown, R. A. (1963), „The Royal Castles 1066–1485“, The History of the King's Works. Volume II: The Middle Ages, London: Her Majesty's Stationery Office
• McAndrew, Bruce A. (2006), Scotland's Historic Heraldry, Boydell & Brewer, ISBN 9781843832614
• Nield, Jonathan (1968), A Guide to the Best Historical Novels and Tales, Ayer Publishing, ISBN 978-0-8337-2509-7, http://books.google.com/books?id=904G29jMdzIC&printsec=frontcover&cad=0#v=onepage&q&f=false
• Mike Salter (1985). Discovering Scottish Castles. Shire Publications Ltd. ISBN 0-85263-749-7.