ჯამილ ჰასანლი
| ჯამილ ჰასანლი | |
|---|---|
.jpg) | |
| დაბადების თარიღი |
15 იანვარი, 1952 აღალიკანდი, ბილიასუვარის რაიონი, აზერბაიჯანის სსრ |
| ეროვნება | აზერბაიჯანელები |
| ალმა-მატერი |
ბაქოს სახელმწიფო უნივერსიტეტი სამხრეთ ილინოისის უნივერსიტეტი |
| საქმიანობა | ისტორიკოსი, მწერალი, პოლიტიკოსი |
ჯამილ ჰასანლი (აზერ. Pərviz Abdullayev; დ. 15 იანვარი, 1952 წელი, აღალიკანდი, ბილიასუვარის რაიონი, აზერბაიჯანის სსრ) — აზერბაიჯანელი ისტორიკოსი, მწერალი და პოლიტიკოსი. ის იყო პროფესორი ბაქოს სახელმწიფო უნივერსიტეტში 1993–2011 წლებში და ხაზარის უნივერსიტეტში 2011–2013 წლებში. ჯამილი იყო აზერბაიჯანის პრეზიდენტის მრჩეველი 1993 წელს და 2000-2010 წლებში აზერბაიჯანის პარლამენტში ორი ვადით მუშაობდა. 2013 წლის აზერბაიჯანის საპრეზიდენტო არჩევნებში ის იყო ოპოზიციის მთავარი კანდიდატი, სადაც მეორე ადგილი დაიკავა ხმების 5,53%-ით. ის აზერბაიჯანის დემოკრატიული ძალების ეროვნული საბჭოს ლიდერია 2013 წლიდან.
ბიოგრაფია
[რედაქტირება | წყაროს რედაქტირება]ადრეული ცხოვრება
[რედაქტირება | წყაროს რედაქტირება]ჯამილ ჰასანლი დაიბადა 1952 წლის 15 იანვარს აღალიკანდში, ბილიასუვარის რაიონში, აზერბაიჯანის სსრ. საშუალო სკოლის დამთავრების შემდეგ იგი ჩაირიცხა აზერბაიჯანის სახელმწიფო უნივერსიტეტის ისტორიის ფაკულტეტზე 1970 წელს. უნივერსიტეტის დამთავრების შემდეგ ის მუშაობდა სოფელ თაზუკანდში ისტორიის მასწავლებლად. 1976–1977 წლებში ის იყო ლექტორი ლენინის მუზეუმის ბაქოს ფილიალში. 1977 წელს ჩააბარა ბაქოს სახელმწიფო უნივერსიტეტის დოქტორანტურაზე და შეისწავლა ევროპისა და ამერიკის ქვეყნების თანამედროვე ისტორია. 1980 წლიდან მუშაობდა იქ დოცენტად და პროფესორად. 1984 წელს დაიცვა დოქტორის ხარისხი დისერტაციით საბჭოთა-ამერიკის ურთიერთობებზე. 1990 წელს გახდა დოცენტი, ხოლო 1992 წელს დაიცვა დისერტაცია „აზერბაიჯანის რესპუბლიკა საერთაშორისო ურთიერთობების სისტემაში“.[1]
კარიერა
[რედაქტირება | წყაროს რედაქტირება]1992 წლიდან 1994 წლამდე ჯამილი იყო ევროპისა და ამერიკის ახალი და თანამედროვე ისტორიის განყოფილების დეკანი. 1993 წელს, აპრილიდან სექტემბრამდე იყო აზერბაიჯანის პრეზიდენტის მრჩეველი. 1994 წლიდან 2004 წლამდე იყო აზერბაიჯანის უმაღლესი აკრედიტაციის კომისიის პრეზიდენტის საექსპერტო საბჭოს წევრი. ის არის 28 მონოგრაფიისა და წიგნის და 100-ზე მეტი სტატიის ავტორი, რომლებიც დაბეჭდილია აზერბაიჯანში, რუსეთში, შეერთებულ შტატებში, თურქეთში, ირანში და სხვა ქვეყნებში.[2]
ჰასანლი იყო 2013 წლის ოქტომბერში აზერბაიჯანის დემოკრატიული ძალების ეროვნული საბჭოს საპრეზიდენტო კანდიდატი. ის იყო ვუდრო ვილსონის საერთაშორისო ცენტრის ისტორიისა და საზოგადოებრივი პოლიტიკის მეცნიერი 2011 წელს. ჰასანლის ორი მონოგრაფია გამოქვეყნდა ჰარვარდის ცივი ომის კვლევების წიგნების სერიებში (ცივი ომის გარიჟრაჟზე: საბჭოთა – ამერიკული კრიზისი ირანისა და აზერბაიჯანის გამო, 1941-1946 წწ. როუმანი და ლიტფილდის გამომცემლები, 2006; სტალინი და ცივი ომის თურქეთის კრიზისი, 1945-1953 წწ. ლექსინგტონის წიგნები, 2011 წ).
ჰასანლის წიგნი ,,რთული გზა დასავლეთის ინტეგრაციისკენ", (M.E. Sharpe, New York, 2014) მოგვითხრობს პირველი აზერბაიჯანის რესპუბლიკის მშფოთვარე გზას საერთაშორისო აღიარებისკენ. რამდენიმე ქვეყნის დაარქივებული დოკუმენტების საფუძველზე, ავტორი აღადგენს აზერბაიჯანული პოლიტიკური ელიტის სწრაფვას რუსეთის კოლონიური სისტემის დაშლის შემდეგ. განსაკუთრებული აქცენტით ბაქოს ბოლშევიკური ფრაქციებისაგან განთავისუფლებაზე, რეგიონულ მეზობლებთან ურთიერთობასა და პარიზის სამშვიდობო კონფერენციის მიერ აზერბაიჯანის დამოუკიდებლობის აღიარების რთულ გზაზე. ავტორი საუბრობს სამხრეთ კავკასიის რეგიონის ისტორიასა და დინამიკაზე და პირველი მსოფლიო ომის შემდგომი ეპოქაზე.[3][4]
რესურსები ინტერნეტში
[რედაქტირება | წყაროს რედაქტირება]- ჯამილ ჰასანლი wilsoncenter.org-ზე
სქოლიო
[რედაქტირება | წყაროს რედაქტირება]- ↑ „დაარქივებული ასლი“ Факультет истории. Гасанлы Джамиль Поладхан оглы (რუსული). АГУ. დაარქივებულია ორიგინალიდან — 8 ივლისი 2011. ციტირების თარიღი: 12 September 2011.
- ↑ „State budget has to be revised- Jamil Hasanli“ (აზერბაიჯანული). Cəmil Həsənli. დაარქივებულია ორიგინალიდან — 17 ნოემბერი 2011. ციტირების თარიღი: 12 September 2011.
- ↑ „Факультет истории. Гасанлы Джамиль Поладхан оглы“. АГУ. დაარქივებულია ორიგინალიდან — 8 ივლისი 2011. ციტირების თარიღი: 12 September 2011.
- ↑ „State budget has to be revised- Jamil Hasanli“. Trend. დაარქივებულია ორიგინალიდან — 11 June 2015. ციტირების თარიღი: 12 September 2011.