მურადი (შეჰზადე)

შეჰზადე მურადი (თურქ. Şehzade Murad; დ. 1519 — გ. 1521) — სულეიმან I-ისა და მისი ხარჭის, გიულფემ ხათუნის ვაჟი.

მურადი დაიბადა 1519 წელს, მამამისის ტახტზე ასვლამდე ერთი წლით ადრე, როცა იგი მანისაში მსახურობდა. ის იყო მისი მესამე ვაჟი (რომელიც ცოცხალი ჰყავდა) მაჰმუდისა და მუსტაფას შემდეგ. ის იყო გიულფემ ხათუნისა და სულეიმანის ერთადერთი ვაჟი.

მურადი რა თქმა უნდა არ მოიაზრებოდა ტახტის მემკვიდრედ, რადგან მის წინ ორი ძმა იყო. გიულფემ ხათუნს ეშინოდა, რომ, როცა სულეიმანის რომელიმე შვილი ტახტს დაიკავებდა, ოსმალური ტრადიციის მიხედვით, მურადს სიკვდილით დასჯიდა. ამიტომ ცდილობდა მოეგო სულეიმანის გული ისე, რომ მას სულ გადავიწყებოდა სხვა ხარჭები და შესაბამისად, უფრო მეტად შეეყვარებინა მურადი და ტახტის მემკვიდრედაც ის გამოეცხადებინა, მაგრამ ამის შემშლელი თავიდან მაჰიდევრან სულთანი გახდა, ხოლო სულეიმანის ტახტზე ასვლის შემდეგ ჰიურემ სულთანი.

მურადი გარდაიცვალა 1521 წელს, მამამისი ტახტზე ასვლიდან ერთი წლის შემდეგ, ყვავილით. სწორედ ამ წელსა და ამავე დაავადებით გარდაიცვალა მისი ძმა შეჰზადე მაჰმუდიც.

მისი დედა, გიულფემ ხათუნი, 1562 წელს, სულთან სულეიმანის ბრძანებით სიკვდილით დასაჯეს.