რატი ალექსიძე

რატი ალექსიძე

რატი ალექსიძე და ირაკლი მოდებაძე
პირადი მონაცემები
სრული სახელი	რატი ალექსიძე
დაბადების თარიღი	3 აგვისტო, 1978 (1978-08-03)
დაბადების ადგილი	თბილისი, საქართველო
სიმაღლე	182 სმ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	კარიერა დაასრულა
ახალგაზრდული კარიერა
	დინამო თბილისი
პროფესიონალური კარიერა*
წლები	გუნდი	მატჩი	(გოლი)
1996–1999	დინამო თბილისი	71	(33)
1999–2001	ჩელსი	2	(0)
2002–2003	დინამო თბილისი	36	(17)
2004	როსტოვი	9	(0)
2008–2009	ლოკომოტივი თბილისი	23	(15)
2009–2012	დიორი	86	(23)
2012–2013	დილა გორი	2	(0)
ეროვნული ნაკრები‡
1993–1995	საქართველო 17 წლ.	19	(5)
1997–1998	საქართველო 21 წლ.	19	(2)
1998–2010	საქართველო	28	(2)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 13 მაისი, 2014 ‡ ეროვნული ნაკრების მატჩი და გოლი ბოლოს განახლდა: 13 მაისი, 2014

რატი ალექსიძე (დ. 3 აგვისტო, 1978, თბილისი) — ვეტერანი ქართველი თავდამსხმელი, კარიერა დაასრულა. ბოლოს ირიცხებოდა გორის „დილას“ რიგებში. გამოდიოდა საქართველოს თითქმის ყველა ასაკობრივ ნაკრებში, ასევე ეროვნულ ნაკრებშიც.

კარიერა

საკლუბო

მისი საკლუბო კარიერა დაიწყო თბილისის „დინამოში“. ჯერ კიდევ 1996 წელს ვარჯიშობდა „ჩელსის“ სარეზერვო გუნდში. ალექსიძეს მთავარ გუნდში თამაშის უფლება არ ჰქონდა, რადგან გაერთიანებულ სამეფოში კონტრაქტის გაფორმების უფლება არ ჰქონდა და „დინამოში“ დაბრუნდა.

1996-97 წლების სეზონში. მისს გოლის გატანის ალღო დაეხმარა კლუბს მოეგო უმაღლესი ლიგა 1997, 1998 და 1999 წლებში, ისევე როგორც 1997 წლის თასის მოპოვებაში. მისი „დინამოში“ თამაშის მანძილზე 71 მატჩში შეძლო 33 გოლის გატანა და განსაკუთრებით 1999-00 წლების სეზონში 14 მატჩში გატანილი 12 გოლის შემდეგ მისით უცხოური კლუბები დაინტერესდნენ, მათ შორის მოსკოვის „სპარტაკი“, თუმცა ალექსიძის შეძენა „ჩელსიმ“ მოახერხა. ალექსიძემ პირველ გუნდში ჩაატარა მხოლოდ 2 მატჩი ლიგაში და 1 ევროპაზე, ყველა შემცვლელად. ეროვნულ ნაკრებში გამოძახებულმა ალექსიძემ ტრავმა მიიღო უკრაინის ანკებთან თამაშში, რის გამოც 11 თვე გაუცდა.

ტრავმის გამო ალექსიძეს „ჩელსის“ დატოვება მოუხდა და 2002 წელს დაბრუნდა თბილისის „დინამოში“, სადაც მის პირველივე სეზონში ცხრა გოლი მიითვალა. ამ დროს კლუბის მწვრთნელი იყო ივო შუშაკი. „დინამო“ გახდა საქართველოს ჩემპიონი და „თანამეგობრობის თასის“ გამარჯვებული. ალექსიძე მიიწვია რუსულმა კლუბებმა, „კრილია სოვეტოვმა“, „ალანიამ“ და „როსტოვმა“.ფეხბურთელმა აირჩია ეს უკანასკნელი და 2004 წელს იგი გახდა „როსტოვის“ ფეხბურთელი. „როსტოვში“ ლექსიძემ 9 მატჩი ითამაშა. შემდეგ ოჯახური პრობლემების გამო დაასრულა პროფესიული კარიერა და დაბრუნდა საქართველოში ნარკოდამოკიდებულების გამო სამწელიწადნახევრის მანძილზე კარიერა შეწყვეტილი ჰქონდა.

2008 წლის ივლისში იგი დაბრუნდა ფეხბურთში და კარიერა გააგრძელა თბილისის „ლოკომოტივში“. 2009 წელს შეუერთდა უნგრულ „დიორს“, სადაც 2012 წლამდე ითამაშა. შემდეგ უკანა კუნთის გაწყვეტის გამო გუნდს ვეღარ ეხმარებოდა და გადაწყვიტა საქართველოში დაბრუნებულიყო. კარიერა გორის „დილაში“ განაგრძო, თუმცა მალევე იქიდანაც წამოვიდა.

სანაკრებო

1998 დან 2004 წლამდე ეროვნულ ნაკრებში ჩატარებული აქვს 28 მატჩი და შეძლო 2 გოლის გატანა.

რესურსები ინტერნეტში

• პროფილი Transfermarkt-ზე (ინგლისური)
• პროფილი Soccerway-ზე (ინგლისური)
• პროფილი National-football-teams.com-ზე (ინგლისური)
• რატი ალექსიძე — ფიფას ჩანაწერი^{[დაარქივებული]}