10-იანები

ათასწლეული:	I
საუკუნე:	ძვ.წ. I – I – II
ათწლეული:	ძვ. წ. 10-იანები ძვ. წ. 0-იანები 0-იანები – 10-იანები – 20-იანები 30-იანები 40-იანები
წლები:	10 · 11 · 12 · 13 · 14 15 · 16 · 17 · 18 · 19

10-იანი (ათიანი) წლები, ასევე ცნობილი, როგორც 10-იანები — გრიგორიანული კალენდრის ათწლეული, რომელიც დაიწყო 10 წლის 1 იანვარს და დასრულდა 19 წლის 31 დეკემბერს.

მოვლენები

---

სარჩევი: 10 11 12 13 14 15 16 17 18 19

10

• ბერძნული დინასტია ბაქტრია ამოწყდა.
• პუბლიუს კორნელიუს დოლაბელა რომის კონსული გახდა.
• ილირია დაიყო პანონიად და დალმაციად.

11

რომის იმპერია

• ქვემო გერმანია და რაინი გერმანიკუსმა შემოიმტკიცა.
• ავგუსტუსმა უკუაგდო ელბაზე დამცავი საზღვრის შექმნის გეგმა, რაინზე და დუნაიზე რომაული გამაგრებების გამტკიცების მიზნით.

აზია

• არტაბანუს II არსაკიდთა დინასტიიდან პართიის მმართველი ხდება.
• ინდოეთში, სატაკარნი ანდრას იმპერატორი ხდება (29 წლამდე).

12

რომის იმპერია

• ანიუს რუფუსი იუდეის პრეფექტად დაინიშნა.
• ავგუსტუსი რაინის იქით გერმანიაში შეჭრის ბრძანებას იძლევა.
• გერმანიკუსი და გაიუს ფონტეიუს კაპიტო რომის კონსულები ხდებიან.
• კირინიუსი იუდეიდან ბრუნდება ტიბერიუსის საბჭოს წევრობისთვის.
• რომაელებმა სომხეთის არტახიდების დინასტია დაამხეს.

13

• სტრაბონი აქვეყნებს საკუთარ წარმოდგენას დედამიწის ფორმის შესახებ.
• ტიბერიუსი ტრიუმფულ სვლას აწყობს რომში გერმანელებზე გამარჯვების შემდეგ.

14

• ავგუსტუსი გარდაიცვალა და ღმერთად გამოცხადდა.
• ტიბერიუსმა შეცვალა მამინაცვალი ავგუსტუსი რომის იმპერატორის ტახტზე.
• რაინის ლეგიონები აჯანყდნენ ავგუსტუსის გარდაცვალების შემდეგ. გერმანიკუსმა და დრუსუსმა აჯანყება ჩაახშვეს.
• გერმანიკუსი გერმანიაში განლაგებული ჯარების მეთაურად დანიშნეს, რომელმაც ორწლიანი კამპანია დაიწყო.
• მოსახლეობის აღწერით დადგინდა, რომ რომის იმპერიაში 4.973.000 მოქალაქე ცხოვრობდა.

15

• ემონა (ამჟამად ლიუბლიანა) დააარსა ლეგიო XV აპოლინარისმა.
• ტევტობურგის ტყეში გერმანიკუსი არმინიუსს ებრძვის.
• ვალერიუს გრატუსი იუდეის პრეფექტად დაინიშნა.

16

• 50 000-იანი რომაული არმია გერმანიკუსის მეთაურობით იდისტავისოსთან გერმანელების მეთაურ არმინიუსს ამარცხებს და მის ცოლ თუსნელდას იპყრობს.
• პუბლიუს სილიუსმა, ილირიკუმის პროკონსულმა, დაამარცხა ჰისტრიაში შეჭრილი ნორიკელებისა და პანონიელების გაერთიანებული არმია.

17

• გერმანიკუსი აღმოსავლეთისკენ სამხედრო კამპანიას უძღვება.
• კაპადოკია რომის პროვინცია გახდა.
• გერმანიაში სამოქალაქო ომი იწყება.
• მიწისძვრამ ანატოლიაში ქალაქი სარდისი გაანადგურა.

18

• ტიბერიუსი და გერმანიკუსი რომის კონსულები არიან.
• გერმანელი მხედართმთავარი არმინიუსი მარკომანის სამეფოს ანადგურებს.
• ინდოეთში ინდო-პართიელები ტაქსილას იპყრობენ.

19

რომის იმპერია

• მარობოდუუსი, მარკომანის მეფე, ჩამოაგდო ტახტიდან კატუალდამ. ამით ბოლო მოეღო რომაელთათვის გერმანელთა მხრიდან საშიშროებას მარკუს ავრელიუსის მმართველობამდე. რომაელებმა ისინი საკუთარ პროტექციაში აიყვანეს.
• გერმანიკუს იულიუს კეისარი, რომაელ ლეგიონერთა მეთაური აღმოსავლეთში, გარდაიცვალა მოწამვლით. სარეცელზე მან საკუთარ მოწამვლაში სირიის მმართველი, გნეუს კალპურნიუს პისო, დაადანაშაულა.
• იმპერატორმა ტიბერიუსმა რომიდან ეგვიპტელები განდევნა, ხოლო სიცილიიდან 4000-მდე ებრაელი.
• სენტში გერმანიკურ იულიუს კეისრის პატივსაცემად ტრიუმფული თაღი ააგეს.

სირია

• ვონონეს I პართიელი კილიკიაში გადაასახლეს და საშინაო პატიმრობა მიუსაჯეს. მან გაქცევა მოახერხა, თუმცა გადამდგარმა ვეტერანმა ლეგიონერმა დაიჭირა და მოკლა.

აზია

• ჩინური ქინის დინასტიის ტიენფენის ერის ბოლო წელი.
• პირველი საფრენი მანქანა შეიქმნა ჰანშუს მიხედვით.