ჯონ უილიამსი
| ჯონ უილიამსი | |
|---|---|
 | |
| ბიოგრაფია | |
| დაბ. თარიღი | 8 თებერვალი, 1932[1] [2] [3] [4] [5] (92 წლის) |
| დაბ. ადგილი | ნიუ-იორკი, ნიუ-იორკი, აშშ[1] |
| ხელმოწერა |
 |
| ჯონ უილიამსი ვიკისაწყობში | |
ჯონ ტაუნერ უილიამსი (ინგლ. John Williams; დ. 8 თებერვალი, 1932) — ამერიკელი კომპოზიტორი, დირიჟორი და პიანისტი. კარიერის განმავლობაში, რომელიც ექვს ათწლეულზე მეტს გრძელდება, უილიამსმა შექმნა კინემატოგრაფის ისტორიაში არაერთი პოპულარული, ცნობადი და კრიტიკულად აღიარებული კინომუსიკის ნიმუში, მათ შორისაა მუსიკა ფილმებისთვის „ვარსკვლავური ომები“ (ყველა ეპიზოდი), „ყბები“, „მესამე ხარისხის ახლო კონტაქტები“, „სუპერმენი“, „E. T. უცხოპლანეტელი“, „ინდიანა ჯონსის“ ფრენჩაიზი, პირველი ორი ფილმი „მარტო სახლშის“ სერიებიდან, „კაუჭა“, პირველი ორი ფილმი „იურული პარკის“ სერიებიდან, „შინდლერის სია“ და პირველი სამი ფილმი „ჰარი პოტერის“ სერიებიდან.[6] უილიამსი დაკავშირებულია რეჟისორ სტივენ სპილბერგთან 1974 წლიდან და დაწერილი აქვს მუსიკა მისი ყველა სრულმეტრაჟიანი ფილმისთვის, გარდა სამისა.[7] უილიამსის სხვა ნამუშევრებიდან აღსანიშნავია მუსიკა 1984 წლის ოლიმპიური თამაშებისთვის, NBC Sunday Night Football-ისთვის, მუსიკალური თემა „მისია“, რომელსაც იყენებდნენ NBC News და Seven News ავტრალიაში, სატელევიზიო სერიალი „კოსმოსში დაკარგულები“ და „გოლიათების მიწა“, ასევე, ინციდენტური მუსიკა „გილიგანის კუნძულის“ პირველი სეზონისთვის.[8] უილიამსს შექმნილი აქვს აგრეთვე არაერთი კლასიკური კონცერტი და სხვა ნამუშევრები საორკესტრო ანსამბლებისა და სოლო ინსტრუმენტებისათვის. ის იყო Boston Pops ორკესტრის მთავარი დირიჟორი 1980–1993 წლებში, ხოლო ამჟამად მისი საპატიო დირიჟორია.[9]
უილიამსს მოპოვებული აქვს 24 გრემი, 7 ბრიტანეთის კინოაკადემიის ჯილდო, 5 ოსკარი და 4 ოქროს გლობუსი. 51 ოსკარის ნომინაციით, ის მხოლოდ უოლტ დისნეის ჩამორჩება.[10][11] 2005 წელს ამერიკის კინოინსტიტუტმა უილიამსის 1977 წლის მუსიკა „ვარსკვლავური ომებისათვის“ დაასახელა, როგორც ყელა დროის უდიდესი ამერიკული კინომუსიკა. „ვარსკვლავური ომების“ საუნდტრეკი ასევე დაცულია კონგრესის ბიბლიოთეკის ჩანაწერთა ეროვნულ რეესტრში, როგორც „კულტურულად, ისტორიულად და ესთეტიკურად გამორჩეული“.[12] 2000 წელს უილიამსი შეიყვანეს ჰოლივუდის დიდების დარბაზში, 2004 წელს მიიღო კენედის ცენტრის ჯილდო, ხოლო 2016 წელს — ჯილდო განსაკუთრებული მიღწევისთვის ამერიკის კინოინსტიტუტისაგან. აშშ-ში 20 ყველაზე შემოსავლიანი ფილმიდან 8 ფილმის მუსიკა ჯონ უილიამსს ეკუთვნის.[13]
ფილმოგრაფია
[რედაქტირება | წყაროს რედაქტირება]| წელი | დასახელება | ორიგინალური დასახელება | რეჟისორი |
|---|---|---|---|
| 1969 | მშვიდობით, მისტერ ჩიპს | Goodbye, Mr Chips | ჰერბერტ როსი |
| 1971 | ჯეინ ეარი | Jane Eyre | დელბერტ მენი |
| 1972 | პოსეიდონის თავგადასავალი | The Poseidon Adventure | რონალდ ნიმი |
| 1972 | ტომ სოიერი | Tom Sawyer | დონ ტეილორი |
| 1974 | შუგარლენდის ექსპრესი | The Sugarland Express | სტივენ სპილბერგი |
| 1976 | ყბები | Jaws | სტივენ სპილბერგი |
| 1977 | მესამე ხარისხის ახლო კონტაქტები | Close Encounters of the Third Kind | სტივენ სპილბერგი |
| 1978 | სუპერმენი | Superman | რიჩარდ დონერი |
| 1982 | უცხოპლანეტელი | E.T. the Extra-Terrestrial | სტივენ სპილბერგი |
| 1984 | მდინარე | The River | მარკ რაიდელი |
| 1987 | მზის იმპერია | Empire of the Sun | სტივენ სპილბერგი |
| 1988 | შემთხვევითი ტურისტი | The Accidental Tourist | ლოურენს კასდანი |
| 1989 | დაბადებული ოთხ ივლისს | Born on the Fourth of July | ოლივერ სტოუნი |
| 1989 | ინდიანა ჯოუნსი და უკანასკნელი ჯვაროსნული ლაშქრობა | Indiana Jones and the Last Crusade | სტივენ სპილბერგი |
| 1990 | მარტო სახლში | Home Alone | კრის კოლუმბუსი |
| 1991 | ჯფკ | JFK | ოლივერ სტოუინი |
| 1993 | შინდლერის სია | Schindler's List | სტივენ სპილბერგი |
| 1995 | ნიქსონი | Nixon | ოლივერ სტოუნი |
| 1995 | საბრინა | Sabrina | სიდნი პოლაკი |
| 1996 | მძინარენი | Sleepers | ბარი ლევინსონი |
| 1998 | რიგითი რაიანის გადასარჩენად | Saving Private Ryan | სტივენ სპილბერგი |
| 1999 | ანჯელას ფერფლი | Angela's Ashes | ალან პარკერი |
| 2000 | პატრიოტი | The Patriot | როლანდ ემერიხი |
| 2002 | დამიჭირე, თუ შეძლებ | Catch Me If You Can | სტივენ სპილბერგი |
| 2004 | ჰარი პოტერი და აზკაბანის ტყვე | Harry Potter and the Prisoner of Azkaban | ალფონსო კუარონი |
| 2004 | ტერმინალი | The Terminal | სტივენ სპილბერგი |
| 2005 | გეიშას მემუარები | Memoirs of a Geisha | რობ მარშალი |
| 2005 | მიუნხენი | Munich | სტივენ სპილბერგი |
| 2012 | ლინკოლნი | Lincoln | სტივენ სპილბერგი |
| 2013 | წიგნის ქურდი | The Book Thief | ბრაიან პერსივალი |
| 2015 | ვარსკვლავური ომები: ძალის გამოღვიძება | Star Wars: The Force Awakens | ჯეი ჯეი აბრამსი |
რესურსები ინტერნეტში
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ 1.0 1.1 Eldridge A. Encyclopædia Britannica
- ↑ filmportal.de — 2005.
- ↑ ბროკჰაუზის ენციკლოპედია
- ↑ GeneaStar
- ↑ Munzinger Personen
- ↑ Burlingame, Jon (June 9, 2016). „AFI Honoree John Williams Looks Back on Six Decades of Iconic Themes“. Variety. ციტირების თარიღი: July 11, 2016.
- ↑ „John Williams won't score a Steven Spielberg film for the first time in 30 years“. The Verge. March 18, 2015. ციტირების თარიღი: June 8, 2015.
- ↑ „John Williams: The Last Movie Maestro“. The Wall Street Journal. December 17, 2011. ციტირების თარიღი: July 11, 2016.
- ↑ "Boston Pops – John Williams" დაარქივებული February 4, 2017, საიტზე Wayback Machine. , bso.org; retrieved November 29, 2015.
- ↑ Gray, Tim (October 8, 2015). „John Williams Tapped for 44th AFI Life Achievement Award“. Variety. ციტირების თარიღი: July 11, 2016.
- ↑ "Nominee Facts – Most Nominations and Awards" დაარქივებული April 2, 2016[Date mismatch], საიტზე Wayback Machine.Category:Webarchive-ის თარგის შეტყობინებები , Academy of Motion Picture Arts and Sciences; retrieved November 29, 2015.
- ↑ Star Wars Score Named To National Recording Register.
- ↑ Profile, boxofficemojo.com; accessed December 28, 2015.
