ვარსკვლავური ომები (ფილმი)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ვარსკვლავური ომები
რეჟისორი ჯორჯ ლუკასი
პროდიუსერი გერი კერტცი
ჯორჯ ლუკასი
რიკ მაკ-კალუმი
(სპეციალური გამოცემა)
სცენარისტი ჯორჯ ლუკასი
როლებში მარკ ჰემილი
ჰარისონ ფორდი
კერი ფიშერი
პიტერ კაშინგი
ალეკ გინესი
კომპოზიტორი ჯონ უილიამსი
ოპერატორი გილბერტ ტეილორი
დისტრიბუტორი 20th Century Fox
Lucasfilm
ხანგრძლივობა 121 წთ [1]
ქვეყანა დროშა: ამერიკის შეერთებული შტატები აშშ
ენა ინგლისური
ბიუჯეტი 11 მილიონი აშშ დოლარი[2]
შემოსავალი 775.4 მილიონი აშშ დოლარი (მსოფლიო)[2]
შემდეგი: ეპიზოდი V: იმპერიის საპასუხო დარტყმა

ვარსკვლავური ომები (ინგლ. Star Wars), რომელიც მოგვიანებით გამოვიდა სათაურით ვარსკვლავური ომები IV: ახალი იმედი, ინგლ. Star Wars Episode IV: A New Hope) — 1977 წლის ეპიკური კოსმოსური ოპერის ჟანრის ფილმი სერიიდან „ვარსკვლავური ომები“. რეჟისორ ჯორჯ ლუკასის მიერ გადაღებული ეს ეპოქალური ფილმი იქცა მსგავსი ჟანრის ფილმებს შორის ნამდვილ რევოლუციად, რომელიც გავლენა იქონია ზოგადად ამ კინოჟანრის განვითარებასა და პოპ-კულტურაზე.

ფილმის მოქმედება მიმდინარეობს შორეულ გალაქტიკაში, უცნობ დროს. აჯანყებულთა ალიანსი ებრძვის ბოროტ გალაქტიკურ იმპერიას, რომელსაც იმპერატორი პალპატინი და მისი დამხმარე დართ ვეიდერი მართავს. ამბავი ვითარდება მოხალისის, ლუკ სქაიულოკერის ისტორიის ირგვლივ. მას წვრთნის ჯედაების ოსტატი ობი-ვან კენობი, რომელიც მასში აღვიძებს ინტერესს თავისი რეალური წარსულისა და მომავლისადმი.

„ვარსკვლავური ომები, ეპიზოდი IV: ახალი იმედი“ შეიქმნა მანამდე პოპულარული „ფლეშ გორდონის“ და აკირა კუროსავას ფილმების გავლენით. მუშაობა სცენარზე დაიწყო 1973 წელს. 11 მილიონი დოლარის ბიუჯეტით გადაღებულმა ფილმმა, რომლის გაგრძელება ჯერ კიდევ არ იყო გეგმებში, შემქმნელებს და სადისტრიბუციო კომპანიას მოუტანა 460 მილიონიანი შემოსავალი მხოლოდ შტატების ტერიტორიაზე, ხოლო მსოფლიოს სხვა ქვეყნებიდან - 337 მილიონი. ფილმმა მიიღო 10 ოსკარი, მათ შორის - წლის ფილმის კატეგორიაში. იგი რჩება ერთ-ერთ შემოსავლიან ფილმად.[2]

ფილმი რამდენიმეჯერ გამოიცა სხვადასხვა ფორმატებში, მათ შორის ყველაზე ცნობილია 1997 წლის სპეციალური, ვრცელი ვერსიები და 2004 წლის DVD გამოცემები.

სიუჟეტი[რედაქტირება | წყაროს რედაქტირება]

შორეულ გალაქტიკაში იმპერიაც ცდილობს სამყაროს დამონებას. მის ჯარებს ებრძვის აჯანყებულთა მცირე რაზმებს. მათ შორის არის პრინცესა ლეია, გალაქტიკური სენატის წევრი. იმპერიის ძალები, დართ ვეიდერის მეთაურობით იპყრობენ მას, რათა დაადგინონ, სად მდებარეობს აჯანყებულთა ბაზა. ამასობაში პრინცესა ასწრებს ორი დროიდის, R2-D2 და C-3POს პლანეტა ტატუინზე, ვინმე ბენ კენობისთან გაგზავნას, თხოვნით, რომ დაეხმაროს მას.

დროიდები მოხვდებიან ლუკ სქაიულოკერთან. R2-D2 ეძებს კენობის, ისევე, როგორც ლუკი და მეორე დროიდი. უდაბნოში ისინი გადააწყდებიან თავად კენობის, რომელიც სთხოვს ლუკს, გაჰყვეს პლანეტა ალდერაანზე, ლეიას დასახმარებლად. ის სკაიუოკერს გადასცემს მისი მამის კუთვნილ ლაზერულ (სინათლის) ხმალსაც. ლუკის ზიზღს იმპერიის წარმომადგენელთა მიმართ აორმაგებს მათი ჯარების მიერ მის აღმზრდელთა მოკვლა.

გზად კოსმოპორტში აღმოჩნდება, რომ კენობი ფლობს ჯედაის ძალებს. კოსმოპორტში მოგზაურები ქირაობენ კონტრაბანდისტ მფრინავ ჰან სოლოსა და მის ხომალდ 'ათასწლწულია შევარდენს'. სოლოს აქვს პრობლემები ადგილობრივ, კრიმინალური სამყაროს მმართველ ჯაბა ჰატთან, მაგრამ იგი მას ჰპირდება ძველი ვალის დაბრუნებას.

ამავე დროს დართ ვეიდერი ლეიას აიძულებს, აჯანყებულთა ბაზის ადგილსამყოფელის შესახებ უამბოს. იგი თავისას მიაღწევს, თუმცა მანამდე მუქარის სახით ააფეთქებს პრინცესას მშობლიურ პლანეტა ალდერაანს.

ჰან სოლო და მისი მგზავრები ბრუნდებიან ჰიპერსივრცობრივი ნახტომიდან და აპირებენ ალდერაანზე დაშვებას. პლანეტისგან აღარაფერია დარჩენილი. ამ დროს იმპერიის ხომალდზე მათ ხომალდს შეამჩნევენ და კინეტიკურ სხივის დახმარებით იზიდავენ სიკვდილის ვარსკვლავთან (სადგურის დასახელება)

გმირები მტრებს ემალებიან კონტრაბანდის შესანახ განყოფილებაში. მოგვიანებით ისინი შედიან ბაზაზე. ობი-ვანი აპირებს კინეტიკური სხივის გათიშვას, ხოლო ლუკი და ჰანი ეძებენ ლეიას. ჰენი თავდაპირველად უარზეა, თუმცა ლუკი ჰპირდება, რომ პრინცესა მისთვის ჯილდოს არ დაიშურებს.

ლეიას გათავისუფლების შემდეგ ყველა ბრუნდება ხომალდზე, თუმცა ობი-ვანი სხივის გათიშვის შემდეგ დერეფანში დართ ვეიდერს ხვდება, რომელიც მას კლავს. ლუკი და სხვები ლეიას მითითებით აჯანყებულთა ბაზაზე მიემგზავრებიან. მაგრამ იმპერია მათ თვალს ადევნებს სპეციალური გადამცემის დახმარებით, რომელიც ჰანის ხომალდზე იქნა დამაგრებული.

აჯანყებულთა ბაზაზე მიმდინარეობს ფართომაშტაბიანი მომზადება სიკვდილის ვარსკვლავზე მომავალი დარტყმისათვის. R2D2-ს მეხსიერებაში შენახულია ბაზის სქემები, რომელთა მიხედვით შესაძლოა მისი ’სუსტი წერტილების’ პოვნა. ჰანი, რომელმაც ყველას თავი მოაწონა ამ მოგზაურობისას უარს ამბობს მათთან თანამშრომლობის გაგრძელებაზე, ვინაიდან აპირებს ჯაბა ჰატთან დაბრუნებას და ვალის გადახდას.

ამასობაში სიკვდილის ვარსკვლავი უახლოვდება იავინ IV-ს, სადაც აჯანყებულთა ბაზა მდებარეობს. მისი დამცავი ველის გარღვევა შეუძლებელია, თუმცა ერთად-ერთი ’სუსტი წერტილია’ სავენტილაციო გასასვლელი, რომელიც რეაქტორის გზად მდებარეობს. მაგრამ მისი შესასვლელი დაცულია იმპერიული გამანადგურებლებით და სხვა დამცავი სისტემებით. მხოლოდ ძალიან გამოცდილ პილოტს შეუძლია იქ შეღწევა.

ლუკი თავად მიემართება სხვებთან ერთად. ფრენის დროს განადგურებული მისი თითქმის ყველა დამხმარე, თავად კი უკან მოჰყვება დართ ვეიდერის ხომალდი, მაგრამ ამ დროს ლუკის დასახმარებლად ჰან სოლო მოდის, რომელიც ვეიდერის ხომალდს ერთი გასროლით მოისვრის. ლუკი წარმატებით აგდებს ასაფეთქებელს რეაქტორში.

იმ დროს, როდესაც ბაზიდან გაშვებულმა სხივმა უნდა გაანადგუროს იავინ IV, სიკვდილის ვარსკვლავი ფეთქდება. ლუკი, ჰანი და სხვები ბრუნდებიან უკან. ფილმის უკანასკნელი სცენის დროს ლეია ლუკს და ჰანს აჯილდოვებს სპეციალური მედლებით.

როლებში[რედაქტირება | წყაროს რედაქტირება]

მუსიკა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Star Wars Episode IV: A New Hope (1977). British Board of Film Classification (June 30, 1977). წაკითხვის თარიღი: May 25, 2013.
  2. 2.0 2.1 2.2 Star Wars. Box Office Mojo. წაკითხვის თარიღი: March 2, 2012.