ჟეროები

ჟეროები
სამეფო ჟერო
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  ყარყატისნაირნი ოჯახი:  ივეოსისებრნი გვარი:  ჟეროები
ლათინური სახელი
Platalea (Linnaeus, 1758)
სახეობები
ჟერო მცირე ჟერო თეთრი ჟერო სამეფო ჟერო ყვითელნისკარტა ჟერო ვარდისფერი ჟერო
სისტემატიკა ვიკისახეობებში სურათები ვიკისაწყობში ITIS   174932 NCBI   33577 EOL   83002 FW   368588

ჟეროები (ლათ. Platalea) — ფრინველთა გვარი ივეოსისებრთა ოჯახისა. აერთიანებს ექვს სახეობას.

აღწერა

მისი სხეულის სიგრძეა 95 სმ, ხოლო მასა 2 კგ. ფრთის შლილი 115—135 სმ-მდეა. ახასიათებთ გრძელი, კოვზისმაგვარი (რის გამო ნისკარტკოვზასაც უწოდებენ) ნისკარტი. დანარჩენი თვისებები ემთხვევა მათ მონათესავე ივეოსისებრთა თვისებებს.

გავრცელება

გავრცელებულნი არიან ევრაზიის რამდენიმე რეგიონში, ძირითადად ხმელთაშუა, შავი, ყვითელი და იაპონიის ზღვების მიმდებარე ტერიტორიებზე. რამდენიმე პოპულაცია გვხვდება აფრიკასა და ინდოეთში.

გამრავლება

ჟეროები ბუდობენ კოლონიებად. ბუდის აშენებენ ხეებზე, ბუჩქნარსა და ლერწმის ტევრებში. დებს 3-4 თეთრ, მურა-წითელ ლაქებიან კვერცხს, რომლის ზომებია 69 × 45 მმ. ინკუბაცია 25 დღე-ღამე გრძელდება, რომლის შემდეგ იბადებიან თეთრ ღინღლიანი ბარტყები. მათ მშობლები ორმოცდაათი დღის განმავლობაში კვებავენ. სქესობრივ სიმწიფეს 3-4 წლის ასაკში აღწევენ. ველურ ბუნებაში ისინი 28 წელზე მეტხანს ცოცხლობენ.

ლიტერატურა

• Josep del Hoyo et al.: Handbook of the Birds of the World, Band 1 (Ostrich to Ducks). Lynx Edicions, 1992, ISBN 84-87334-10-5

რესურსები ინტერნეტში

• ვიდეოები ჟეროების შესახებ Internet Bird Collection-ზე