პორტალი:ძველი რომი/იცოდით, რომ/არქივი

იანვარი[წყაროს რედაქტირება]

...ერთმა რომაელმა მამაკაცმა გვარი "ტრიკონგიუსი" მიიღო მისი უნარისთვის სამი კონგიუსი ღვინო (9,8 ლიტრი) დაელია ერთ დაჯდომაზე სუფრასთან იმპერატორი ტიბერიუსის თანდასწრებით...
...აზერბაიჯანული დასახლება რამანას სახელი, სადაც ზოროასტრიანელები დღესაც ატარებენ ცეცხლის რიტუალებს, სავარაუდოდ წარმოებული უნდა იყოს ლათინური Roma-დან, რაც რომს ნიშნავს...
...კაპიტოლიუმის ძუ მგელი (სურათზე), რომის დაფუძნების სიმბოლო, სინამდვილეში ეტრუსკული ბრინჯაოს ქანდაკებაა...
...გოთების ომის პერიოდში IV საუკუნეში, გოთებმა რომის იმპერატორი მოკლეს, რომის არმია გაანადგურეს და რომაელთა ბალკანეთის დიდი ნაწილი ააოხრეს...
...ბერძნულ და რომაულ მითოლოგიაში პალადიუმი იყო პალას ათინას უძველესი ქანდაკება, რომელიც ქალაქ ტროას მფარველობდა, სანამ მას ოდისევსი მოიპარავდა...
...თითქმის ათასი წელი ტრაიანეს ხიდი ყველაზე გრძელი ხიდი იყო მსოფლიოში...
...პროსეკო, იტალიური შუშხუნა ღვინო, ცნობილია ძველი რომის პერიოდიდან...

თებერვალი[წყაროს რედაქტირება]

...გემის აბორდაჟით აღება ძველმა რომაელმა სამხედროებმა მოიგონეს პირველი პუნიკური ომის დროს, რათა კართაგენელებთან ზღვაზე ხელჩართული ბრძოლა შესძლებოდათ...
...რომის მონტეჩიტორიოს მოედანზე ძვ. წ. 10 წელს აღმართული ობელისკი (სურათზე) უზარმაზარი მზის საათის გნომონის დანიშნულებას ასრულებდა, თუმცა ზუსტი დროის აღრიცხვა 30 წელიწადში შეწყვიტა...
...რომაული გზების სიგრძე დაახ. 85 ათას კილომეტრს შეადგენდა...
...ჰანიბალი ჯერ კიდევ 9 წლის ბავშვი იყო, როდესაც დაიფიცა, რომ იგი რომის დაუძინარი მტერი იქნებოდა...
...ტიტუს ლივიუსის "რომის ისტორია ქალაქის დაარსებიდან" 142 წიგნიდან ჩვენამდე მხოლოდ 35 წიგნმა მოაღწია...
...რომის ლეგენდარულ პირველ მეფესაც და უკანასკნელ იმპერატორსაც რომულუსი ერქვა...
... მზის სისტემის მოწყობის ჰელიოცენტრული თეორია ჯერ კიდევ ბერძენმა ფილოსოფოსმა არისტარქემ ჩამოაყალიბა ძვ. წ. 270 წელს, ნიკოლოზ კოპერნიკამდე 1800 წლით ადრე, ხოლო პლუტარქე ამ თეორიის ცოდნას რომის მეორე მეფეს ნუმა პომპილიუსს მიაწერს, რომელიც ძვ. წ. VIII-VII საუკუნეების მიჯნაზე მოღვაწეობდა...

მარტი[წყაროს რედაქტირება]

...ახალდაქორწინებულის მიერ პატარძლის სახლში ხელში აყვანილი შეყვანის ტრადიცია ძველი რომიდან მოდის...
...რომის იმპერიამ არსებობა შეწყვიტა ბარბაროსთა მეთაურის ოდოაკრის მიერ უკანასკნელი იმპერატორის რომულუს ავგუსტულუსის დამხობით 476 წლის 4 სექტემბერს...
...რომის იმპერატორ კალიგულას (სურათზე} ნამდვილი სახელი იყო გაიუს იულიუს კეისარი, ხოლო მეტსახელი კალიგულა ერგო ბავშვობაში, როდესაც იგი უბრალო მეომარივით კალიგებს ატარებდა...
...არქეოლოგებმა პალატინის გორის ძირას აღმოაჩინეს არისტოკრატის სახლი, რომელსაც რომის პირველი იმპერატორის ავგუსტუსის დაბადების ადგილად მიიჩნევენ.
...კამილუსი ჯერ რომიდან განდევნეს, შემდეგ კი რომის მეორე დამაარსებელი უწოდეს...
...გაიუს მარციუსი სავარაუდოდ რომის მეფის ანკუს მარციუსის ჩამომავალი იყო...
...გაიუს მარციუს რუტილუსი პირველი პლებეი დიქტატორი და ცენზორი იყო...
...მარკუს მანლიუსი ჯერ რომაელთა სახალხო გმირი იყო, ხოლო შემდეგ სიკვდილით დასაჯეს რომაელებისთვის ყველაზე უმძიმესი დანაშაულის ბრალდებით...
...პუბლიუს დეციუს მუსმა თავი გასწირა ბრძოლის მოსაგებად, მის მაგალითს კი 30 წლის შემდეგ მისი შვილიშვილიც მიყვა...
...ტიტუს მანლიუსმა საკუთარი ვაჟი დასაჯა სიკვდილით, რის შემდეგაც რომაელები განსაკუთრებულ სასტიკ სასჯელს მანლიუსის სასჯელს უწოდებდნენ...
...პლინიუს უფროსი ვულკანი ვეზუვის ამოფრქვევის დაკვირვებისას ძალიან მიუახლოვდა და დაიღუპა...
...იულიუს კეისარი თამაშობების ყურებისას ერთდროულად კითხულობდა კორესპონდენციას და ორ ან მეტ მდივანს კარნახობდა წერილებს, რისთვისაც რომაელი ხალხი მას კიცხავდა...