პენსილვანიის უნივერსიტეტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
პენსილვანიის უნივერსიტეტი
უნივერსიტეტის ლოგო
ლათ.: Universitas Pennsylvaniensis
დევიზი Leges sine moribus vanae - კანონები მორალის გარეშე უსარგებლოა
დაფუძნდა 1740 (1740)
ტიპი კერძო
მდებარეობა ფილადელფია, პენსილვანია აშშ
საიტი upenn.edu

პენსილვანიის უნივერსიტეტი (ინგლ. University of Pennsylvania, მოიხსენიება, როგორც პენი (Penn) ან იუპენი (UPenn)) — კერძო, არასექტარული კვლევითი უნივერსიტეტი ფილადელფიაში, პენსილვანია. დაფუძნდა ბენ ფრანკლინის მიერ 1749 წელს (თუმცა 1899 წლიდან უნივერსიტეტი დაარსების თარიღად აღიარებს 1840 წელს, რადგან ფრანკლინის მიერ პენსილვანიის უნივერსიტეტის გახსნამდე იქ უკვე არსებობდა სასწავლო დაწესებულება). სიძველით აშშ-ის მეოთხე უმაღლესი სასწავლებელი და ამერიკის პირველი უნივერსიტეტია. ასევე აივი ლიგის წევრია. პენი მსოფლიოს ერთ-ერთ საუკეთესო აკადემიურ დაწესებულებად ითვლება.

პენის ძირითადი ფოკუსი ინტერდისციპლინარული კვლევითი პროგრამებია. თუმცა ისტორიულად პენის სიძლიერე მისი სამაგისტრო და პროფესიული სკოლები იყო, ბოლო წლებში მან მნიშვნელოვანი ინვესტიციები განახორციელა საბაკალავრო პროგრამებზეც. პენის სპეციალიზაცია გაერთიანებული ხარისხის პროგრამებია. აქ ასწავლიან ისეთ უნიკალურ საგნებს, როგორიცაა მაგ. ქცევის ბიოლოგიური ბაზისი; მეცნიერების ისტორია და სოციოლოგია; ლოგიკა, ინფორმაცია და გამოთვლითი პროცესები. პენის პოლიტიკით ბაკალავრიატის სტუდენტებს შეუძლიათ დაესწრონ ნებისმიერ სამაგისტრო და პროფესიული საგნების ლექციებსაც.

პენის წამყვანი სკოლებია ჰუმანიტარული მეცნიერებანი, იურისპრუდენცია, მედიცინა, განათლება, ინჟინერია და ბიზნესი. პენის ბიზნესის (ვარტონი), არქიტექტურის (დიზაინის სკოლა), კომუნიკაციების (ანენბერგი), მედიცინისა და საფერშლო სკოლები რანგით ამერიკის საუკეთესო ხუთეულშია. პენის იურიდიული, სოციალური პოლიტიკისა და განათლების სკოლები რანგით გამუდმებით საუკეთესო ათეულში ხვდებიან.

პენსილვანიის უნივერსიტეტი ქვეყნის ერთ-ერთ უდიდესი ფონდების მომზიდია. ამ მხრივ ის როგორც წესი უნივერსიტეტებში უდიდეს ხუთეულშია ხოლმე. ამასთან, პენს ამერიკაში ერთ-ერთი უმსხვილესი კვლევითი პროგრამების ბაზა გააჩნია, ხარჯავს რა 700 მილიონ ამერიკულ დოლარს ყოველწლიურად.

U.S. News & World Report-ის მიხედვით 2016 წელს პენი მეცხრეა შტატებში[1] და ასევე ერთ-ერთი ყველაზე სასურველი სასწავლებელია[2], ამასვე ამბობს The Princeton Review[3]. 2015 წელს USA Today-მ პენსილვანიის უნივერსიტეტს პირველი ადგილი მიანიჭა აშშ-ში[4]. მსოფლიოს მასშტაბით პენი მე-18-ა QS World University Rankings-ზე დაყრდნობით[5], მე-17 Academic Ranking of World Universities-სა[6] და Times Higher Education World University Rankings-ის მიხედვით[7].

პენსილვანიის უნივერსიტეტის კურსდამთავრებულებს შორის არიან: უილიამ ჰენრი ჰარისონი, ნნამდი აზიკივე, კვამე ნკრუმა და ალასან უატარა.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. National University Rankings. U.S.News & World Report. წაკითხვის თარიღი: October 24, 2015.
  2. U.S. News Staff. (January 24, 2012) The Most Popular National Universities. Usnews.com. წაკითხვის თარიღი: March 18, 2012.
  3. 2015 College Hopes & Worries Survey Report“, The Princeton Review. წაკითხვის თარიღი: 21 March 2016. 
  4. UPenn named best college nationwide for 2015“, USA TODAY College. 
  5. QS World University Rankings 2015/16. QS Quacquarelli Symonds Limited. წაკითხვის თარიღი: October 24, 2015.
  6. Academic Ranking of World Universities 2015. ShanghaiRanking Consultancy.. წაკითხვის თარიღი: October 24, 2015.
  7. World University Rankings 2015-2016. Times Higher Education. წაკითხვის თარიღი: October 24, 2015.